اكتسيانى ۇيىمداستىرۋشىلار كۇننىڭ سۋىعىنا قاراماستان, قالا تازالىعى مەن ءوڭىر كەلبەتىنىڭ كوركىن كەلتىرەتىن جۇمىسشىلار مەن قىزمەتكەرلەرگە كوڭىل ءبولىپ, ولارعا ىستىق شاي مەن تاتتىلەر ۇسىنىپ جىلۋلىق سىيلاۋدى ماقسات ەتكەن. وسى ارقىلى ءوڭىر تۇرعىندارىنىڭ ءبىر-بىرىنە دەگەن قۇرمەتىن ارتتىرۋ, جۇمىسشى ماماندىقتارىنىڭ مەرەيىن ۇستەم ەتۋ باستى نازارعا الىنعان.
«اباي جاستارى» جاستار رەسۋرستىق ورتالىعى ديرەكتورى ايدوس تولەۋقانوۆ جاقسىلىق جارشىسى بولىپ جۇرگەن جاستار مەن ەرىكتىلەر اسىرەسە, تازالىققا جاۋاپتى كوممۋنالدىق قىزمەتكەرلەرگە حالىقتىڭ ەرەكشە العىسى مەن قۇرمەتىن جەتكىزۋدى كوزدەگەنىن ايتادى.
«ەرىكتى جاستار ىستىق شاي مەن تاتتىلەر ۇسىنىپ, ءوڭىر حالقىن قۋانتىپ جاتىر. سونداي-اق كوشەدەگى كەز كەلگەن ادام جاستار قولىنان ءدام تاتا الادى. ء«تاتتى شاي» اكتسياسىنا 200-دەن اسا ەرىكتى قاتىستى. بىرنەشە كۇن ىشىندە ولار شامامەن 300-گە جۋىق تۇرعىندى قۋانتتى. ءىس-شارادا تۇرعىن ۇيلەردىڭ اۋلالارى مەن كوشەلەردى تازارتاتىن قىزمەتكەرلەر قامتىلدى», دەيدى ايدوس ابىلعازى ۇلى.
الداعى كۇندەرى ەرىكتىلەر اكتسيا اياسىندا زەينەتكەرلەر, مۇمكىندىگى شەكتەۋلى جانە كومەككە مۇقتاج جانداردىڭ ۇيىنە ارنايى باس سۇعىپ, ءۇي-جايلارىنداعى شارۋالارىنا قولعابىس ەتۋ مەن اۋلالارىن قاردان تازارتۋ سياقتى جۇمىستارىنا بەل شەشىپ كىرىسەدى.
سەمەي
