فوتو: سەنات
دەپۋتات كەزدەسۋ بارىسىندا باس حاتشىعا سەنات توراعاسى ماۋلەن اشىمباەۆتىڭ ىزگى تىلەگىن جەتكىزىپ, بيىل قىركۇيەك ايىندا استانادا وتەتىن الەمدىك جانە ءداستۇرلى دىندەر ليدەرلەرىنىڭ VIII سەزىنە رەسمي شاقىرۋدى تابىس ەتتى.
مۇحاممەد ابدەلسالام قازاقستان پرەزيدەنتى قاسىم-جومارت توقاەۆتىڭ كونفەسسياارالىق جانە وركەنيەتارالىق ديالوگتى دامىتۋ جونىندەگى باستامالارىنىڭ ماڭىزدىلىعىن ەرەكشە اتاپ ءوتىپ, قازاقستان پارلامەنتى سەناتىنىڭ سپيكەرىنە شاقىرۋ ءۇشىن العىسىن ءبىلدىردى.
تاراپتار استاناداعى مۇسىلمان اقساقالدار كەڭەسىنىڭ بولىمشەسىنىڭ قىزمەتى مەن الداعى جۇمىس جوسپارىن دا تالقىلادى. وسى تۇرعىدا ءدىني توزىمدىلىك, ءتۇرلى مادەنيەتتەر مەن حالىقتار اراسىنداعى ءوزارا تۇسىنىستىكتى نىعايتۋعا باعىتتالعان بىرلەسكەن باستامالار مۇمكىندىگى قارالدى.
