ماسكەۋدە 28 جاستاعى قازاقستان ازاماتى قولعا ءتۇستى. ول الماتى تۇرعىندارىن الداپ, ولاردىڭ قىمبات سمارتفوندارىن ساتۋ ءۇشىن الىپ, ءىزىن سۋىتقان. بۇل قىلمىستى ول 2023 جىلدىڭ ءساۋىرى مەن قازانى ارالىعىندا جاساعان.
«ونىڭ الاياقتىق ارەكەتتەرىنىڭ سالدارىنان جەتى ادام زارداپ شەكتى. كەلتىرىلگەن ماتەريالدىق شىعىن 32 ميلليون تەڭگەدەن اسادى», دەپ مالىمدەدى ءىىم وكىلدەرى.
رەسەيدىڭ ليۋبەرتسى قالاسىندا شىمكەنت قالالىق پوليتسيا دەپارتامەنتىنىڭ قىزمەتكەرلەرى مەن رەسەي قۇقىق قورعاۋ ورگاندارىنىڭ بىرلەسكەن جۇمىسى ناتيجەسىندە 36 جاستاعى ايەل ۇستالدى.
«تەرگەۋ بارىسىندا انىقتالعانداي, بۇل ازاماتشا – وزبەكستان ازاماتى. ول 2014 جىلى بىرەۋدىڭ جەر تەلىمىن ءوز اتىنان ساتىپ, يەسىن الداپ كەتكەن. جابىرلەنۋشىگە كەلگەن شىعىن – 14 مىڭ اقش دوللارى», دەپ حابارلادى ۆەدومستۆو.
قر ىشكى ىستەر مينيسترلىگىنىڭ مالىمەتىنشە, 2025 جىلدىڭ باسىنان بەرى قازاقستاننان قاشىپ كەتكەن 11 قىلمىسكەر شەتەلدە ۇستالدى. سونىمەن قاتار ەل اۋماعىندا شەتەلدىك قۇقىق قورعاۋ ورگاندارى ىزدەگەن 44 قىلمىسكەر انىقتالدى.
