قاي كەزدە قايتا نەسيەنى قۇرىلىمداۋعا بولادى؟
ەگەر قارىز الۋشىنىڭ قارجىلىق قيىندىقتارعا تاپ بولۋىنا تومەندەگىدەي وبەكتيۆتى سەبەپتەر ىقپال ەتسە, بانك قايتا قۇرىلىمداۋ تۋرالى ءوتىنىشتى قاراستىرا الادى:
- تابىسى ازايىپ نەمەسە جۇمىسسىز قالۋ;
- اۋىر سىرقات نەمەسە مۇگەدەكتىك;
- دەكرەتتىك دەمالىس;
- اسكەري قىزمەتكە شاقىرۋ;
- فورس-ماجورلىق جاعدايلار ء(ورت, م ۇلىكتىڭ ۇرلانۋى جانە ت.ب.).
نەعۇرلىم ەرتەرەك بانككە جۇگىنسەڭىز, سوعۇرلىم ايىپپۇلداردان, نەسيە تاريحىنىڭ ناشارلاۋىنان جانە قاراجاتتى سوت ارقىلى ءوندىرىپ الۋدان اۋلاق بولۋ مۇمكىندىگى جوعارى.
ءوتىنىش قالاي بەرۋگە بولادى؟
قارىزدى قايتا قۇرىلىمداۋ تۋرالى وتىنىشپەن تولەم كەشىكتىرىلگەن كۇننەن كەيىن 30 كۇن ىشىندە بانككە جۇگىنىڭىز. وتىنىشتە قارجىلىق قيىندىقتاردىڭ سەبەبىن كورسەتىپ, راستايتىن قۇجاتتاردى (تابىس تۋرالى انىقتاما, مەديتسينالىق قورىتىندىلار جانە ت.ب.) تىركەڭىز. بانك ءوتىنىشتى 15 كۇنتىزبەلىك كۇن ىشىندە قاراستىرىپ, شەشىمدەر ۇسىنادى.
نەسيەنى قايتا قۇرىلىمداۋ جولدارى قانداي؟
بانكتەر كەلەسى شەشىمدەردى ۇسىنا الادى:
نەسيەنىڭ مەرزىمىن ۇزارتۋ – اي سايىنعى تولەمدى ازايتادى, بىراق ارتىق تولەم سوماسىن كوبەيتەدى.
پايىزدىق مولشەرلەمەنى تومەندەتۋ – بۇل ۇلتتىق بانك بازالىق مولشەرلەمەنى تومەندەتكەن جاعدايدا ىسكە اسىرىلۋى مۇمكىن.
تولەمدەردى كەيىنگە قالدىرۋ – بەلگىلى ءبىر ۋاقىتقا تولەمنەن بوساتادى, بىراق پايىزدار ەسەپتەلە بەرەدى.
ايىپپۇلدار مەن ءوسىمپۇلداردى ەسەپتەن شىعارۋ – بانك ولاردى ءىشىنارا كەشىرۋى مۇمكىن.
قايتارۋ ءتارتىبىن وزگەرتۋ – نەگىزگى قارىزدى وتەۋگە باسىمدىق بەرۋ.
بانك باس تارتقان جاعدايدا نە ىستەۋ كەرەك؟
ەگەر بانك قايتا قۇرىلىمداۋعا رۇقسات بەرمەسە, ءسىز:
- بانك ومبۋدسمانىنا جۇگىنە الاسىز;
- زاڭگەردەن كەڭەس الا الاسىز;
- قايتا قارجىلاندىرۋ مۇمكىندىگىن قاراستىرا الاسىز – ياعني, بۇرىنعى نەسيەنى وتەۋ ءۇشىن ءتيىمدى شارتتارمەن جاڭا نەسيە الۋ.
باستىسى – ماسەلەنى نازاردان تىس قالدىرماۋ كەرەك. بانككە ۋاقىتىندا جۇگىنۋ قارجىلىق قيىندىقتاردى الدىن الۋعا جانە قارجىلىق تۇراقتىلىعىڭىزدى ساقتاۋعا كومەكتەسەدى.
