شاعىن قۇرامداعى ەۇاك وتىرىسىنا وداققا قاتىسۋشى ەلدەر ۇكىمەتتەرىنىڭ باسشىلارى: رومان گولوۆچەنكو (بەلارۋس رەسپۋبليكاسى), ادىلبەك قاسىماليەۆ (قىرعىز رەسپۋبليكاسى), ميحايل ميشۋستين (رەسەي فەدەراتسياسى), ارمەنيا رەسپۋبليكاسىنىڭ ۆيتسە-پرەمەرى مگەر گريگوريان, ەەك القاسىنىڭ توراعاسى باقىتجان ساعىنتاەۆ قاتىستى.
ولجاس بەكتەنوۆ ەۋرازيالىق ۇكىمەتارالىق كەڭەس الاڭىنداعى حالىقارالىق ديالوگتىڭ ماڭىزدى ەكەنىنە توقتالىپ, قابىلدانعان شەشىمدەر ينتەگراتسيالىق ۇدەرىستەردىڭ دامۋىنا تىڭ سەرپىن بەرەتىنىنە سەنىم ءبىلدىردى.
ءوز كەزەگىندە, بەلارۋس رەسپۋبليكاسىنىڭ پرەمەر-ءمينيسترى, ەۇاك توراعاسى رومان گولوۆچەنكو ەاەو ەلدەرىن تىعىز ەكونوميكالىق قاتىناستار مەن اۋقىمدى ساۋدا اينالىمى بايلانىستىراتىنىن اتاپ ءوتتى.
توراعالىق ەتۋشى تاراپتىڭ مالىمەتىنشە, بۇگىندە وداقتىڭ ءىجو تۇراقتى ءوسۋدى كورسەتىپ وتىر. 2024 جىلدىڭ قورىتىندىسى بويىنشا وداق ەكونوميكاسىنىڭ جۇمىس ىستەۋىنىڭ نەگىزگى كورسەتكىشى شامامەن 4%-دى قۇرايدى. سونىمەن قاتار 2030 جىلعا دەيىن ەاەو شەڭبەرىندە ەكونوميكالىق ۇدەرىستەردى ودان ءارى دامىتۋ تۋرالى دەكلاراتسيادا, ونىڭ ىشىندە الەمدىك ەكونوميكانى دامىتۋدىڭ سوڭعى ۇردىستەرىن, جاڭا تەحنولوگيالار مەن يننوۆاتسيالاردىڭ پايدا بولۋىن ەسكەرە وتىرىپ, وداقتىڭ جالپى كوزقاراسىنا جاقىنداۋ ءۇشىن بىرلەسكەن كۇش-جىگەردىڭ قاجەتتىلىگى اتالىپ ءوتتى.
اگروونەركاسىپ كەشەنىندەگى ءوندىرىستىڭ تۇراقتىلىعىن ارتتىرۋعا جانە سالانىڭ يننوۆاتسيالىق دامۋىن قامتاماسىز ەتۋگە باعىتتالعان بىرلەسكەن جوبالاردى ىسكە اسىرۋدى قولداۋ تەتىگى تالقىلاندى. اسىلتۇقىمدى مال شارۋاشىلىعىن, اۋىل شارۋاشىلىعى داقىلدارىنىڭ سەلەكتسياسىن, تۇقىم شارۋاشىلىعىن دامىتۋ رەتىندە, مال شارۋاشىلىعى, اۋىل شارۋاشىلىعى ونىمدەرىن وڭدەۋ, اوك ينفراقۇرىلىمىن كەڭەيتۋ سياقتى باعىتتارعا ەرەكشە نازار اۋدارىلدى.
سونداي-اق ەاەو ينتەگراتسيالانعان اقپاراتتىق جۇيەسىن دامىتۋ كەلەشەگى بويىنشا پىكىر الماستى. اتالعان باعىت بويىنشا جۇمىستى جانداندىرۋ قاجەت ەكەنى اتالىپ ءوتتى.
ەۇاك وتىرىسى كەڭەيتىلگەن قۇرامدا جالعاسادى.
