فوتو: astanatv.kz
وزگەرىسكە ساي ەندى قازاقستان ازاماتتىعى جوق سپورتشىلاردى بيۋدجەت قاراجاتىنان جانە كۆازيمەملەكەتتىك سەكتور سۋبەكتىلەرىنىڭ قاراجاتى ەسەبىنەن قارجىلاندىرۋعا تىيىم سالىندى. بۇل نورما پرەزيدەنتتىڭ مەملەكەت قاراجاتىن ءتيىمدى پايدالانۋ تۋرالى تاپسىرماسىن ورىنداۋ نەگىزىندە ازىرلەنىپ وتىر.
ال دەنە شىنىقتىرۋ جانە سپورت سالاسىنداعى مەملەكەتتىك مەكەمەلەر اقىلى قىزمەت كورسەتۋگە جانە ولاردان تۇسەتىن كىرىستى بيۋدجەت زاڭناماسىنا سايكەس پايدالانۋ مۇمكىندىگىنە يە بولادى. بۇل پروتسەستىڭ جۇزەگە اسۋ جولىن ءماجىلىس بىلاي تۇسىندىرگەن:
«سپورت مەكەمەلەرى ءىس-شارالاردى (سپورتتىق جارىستار, سەمينارلار, كەڭەستەر مەن كونفەرەنتسيالار) ۇيىمداستىرۋ جانە وتكىزۋ ماقساتىمەن حالىقتى ارنايى سپورتتىق جابدىقتارمەن, دەنە شىنىقتىرۋ-ساۋىقتىرۋ جانە سپورت وبەكتىلەرىمەن قامتاماسىز ەتۋ بويىنشا قىزمەتتەر, سپورتتىق مەديتسينا سالاسىنداعى قىزمەتتەر ارقىلى تابىس تابا الادى», دەلىنگەن حابارلامادا.
