متاجو پورتفەلىندە قر ءپىب جۇيەسىندەگى ۆەدومستۆولىق ۇيىمدار جۇمىسشىلارىنىڭ soft جانە hard skills, تسيفرلىق جانە كاسىبي داعدىلارىن دامىتۋعا باعىتتالعان ونلاين جانە كۇندىزگى وقۋ فورماتتارىنداعى 70-تەن استام ءبىلىم بەرۋ شەشىمى بار. نارىقتى زەرتتەۋ بويىنشا كۋرس تا ولاردىڭ قاتارىندا.
نارىقتىق تالداۋ دەگەن نە؟
نارىقتىق تالداۋ — ءتيىمدى ستراتەگيالار ازىرلەۋ ماقساتىندا نارىق, باسەكەلەستەر جانە تۇتىنۋشىلار تۋرالى مالىمەتتەردى جيناۋ, وڭدەۋ جانە تالداۋ پروتسەسى. ول بيزنەسكە ماقساتتى اۋديتورياسى ءۇشىن نە ماڭىزدى ەكەنىن, ول قانداي ماسەلەلەرىن شەشكىسى كەلەتىنىن جانە ءونىم نەمەسە قىزمەت بۇل قاجەتتىلىكتەردى قالاي قاناعاتتاندىرا الاتىنىن تۇسىنۋىنە كومەكتەسەدى.
كليەنتتەر تۋرالى مالىمەتتەردىڭ ماڭىزى
زاماناۋي كومپانيالار ءوز كليەنتتەرى تۋرالى دەموگرافيالىق اقپاراتتار باستاپ سايتتاعى ارەكەتىنە تالداۋعا دەيىنگى اۋقىمدى مالىمەتتەرگە يە. بۇل مالىمەتتەردى كەلەسىلەر ءۇشىن پايدالانۋعا بولادى:
- دەربەستەندىرىلگەن قوسىمشالار ازىرلەۋ;
- قىزمەت كورسەتۋ ساپاسىن جاقسارتۋ;
- ماركەتينگتىك كامپانيالاردى وڭتايلاندىرۋ;
- جاڭا ونىمدەردى ازىرلەۋ.
McKinsey زەرتتەۋىنە سايكەس, مالىمەتتەردى شەشىم قابىلداۋعا پايدالاناتىن كومپانيالار تابىسىن باسەكەلەستەرگە قاراعاندا 5-10% ارتتىرىپ, شىعىندارىن 15-25% قىسقارتادى.
مالىمەتتەردى تالداۋعا ارنالعان قۇرالدار
كليەنتتەر تۋرالى مالىمەتتەرگە تالداۋ جاساۋعا ارنالعان كوپتەگەن قۇرالدار بار, ولاردىڭ قاتارىندا:
- CRM-جۇيەلەر. كليەنتتەر تۋرالى اقپاراتتى باسقارۋعا, برەندپەن ءوزارا قىزمەتتى باقىلاۋعا جانە ولاردىڭ ارەكەتىن تالداۋعا كومەكتەسەدى.
- ۆەب-اناليتيكا جۇيەلەرى. Google Analytics سىندى جۇيەلەردىڭ قولدانۋشىلاردىڭ سايتپەن قالاي ءوزارا ارەكەت ەتەتىنىن باعالاۋعا مۇمكىندىگى بار.
- اۋقىمدى مالىمەتتەردى وڭدەۋگە ارنالعان پلاتفورمالار. مىسالى, Apache Hadoop جانە Microsoft Power BI.
- ساۋالنامالار جانە فوكۋس-توپتار. كليەنتتەرمەن تىكەلەي ءوزارا ارەكەت ولاردىڭ نە قالايتىندارى مەن نە كۇتەتىندەرى تۋرالى باعالى اقپارات بەرەدى.
نارىقتىق تالداۋدى بيزنەس-پروتسەستەرگە قالاي ەندىرۋگە بولادى؟
- ماقساتتاردى ايقىنداڭىز. قانداي پروبلەمانى شەشكىڭىز كەلەتىنىن نەمەسە قانداي ناتيجەگە قول جەتكىزگىڭىز كەلەتىنىن ناقتىلاڭىز.
- مالىمەتتەردى جيناڭىز. كليەنتتەر تۋرالى اقپارات جيناۋعا ارنالعان قولجەتىمدى قۇرالدار مەن دەرەككوزدەردى پايدالانىڭىز.
- مالىمەتتەردى تالداڭىز. زاڭدىلىقتار مەن ينسايتتاردى انىقتاۋ ءۇشىن اناليتيكالىق قۇرالداردىڭ قولدانىڭىز.
- ستراتەگيانى ازىرلەڭىز. جينالعان مالىمەتتەر نەگىزىندە جۇمىس جوسپارىن قۇرىڭىز.
- تەستىلەڭىز جانە وڭتايلاندىرىڭىز. وزگەرىستەردى ەنگىزىڭىز, ولاردىڭ ناتيجەلەرىن باقىلاڭىز جانە ءتاسىلدى تۇزەتىڭىز.
نارىقتى سەگمەنتتەۋدىڭ ماڭىزى
نارىقتى سەگمەنتتەۋ ءساتتى نارىقتىق تالداۋ جاساۋدا نەگىزگى رولگە يە. اۋديتوريانى ءتۇرلى — دەموگرافيالىق, گەوگرافيالىق, ارەكەتتىك نەمەسە پسيحوگرافتىق بەلگىلەرى بويىنشا توپتارعا ءبولۋ ارقىلى كومپانيالار بارىنشا ماقساتتى ۇسىنىستار جاساۋعا مۇمكىندىك الادى. مىسالى, ءبىر جارنامالىق كامپانيانى ەرلەر مەن ايەلدەر, جاستار مەن زەينەتكەرلەر, ءىرى قالالار تۇرعىندارى مەن شاعىن ەلدى مەكەندەردە تۇراتىن ءارتۇرلى قابىلداۋى مۇمكىن.
سەگمەنتتەۋ كەلەسىلەرگە مۇمكىندىك بەرەدى:
- كامپانيانىڭ دالدىگىن ارتتىرۋ ەسەبىنەن ماركەتينگ شىعىندارىن ازايتۋ.
- دەربەستەندىرىلگەن ءتاسىل ارقىلى كليەنتتەردىڭ قاناعاتتانۋ دەڭگەيىن ارتتىرۋ.
- ءاربىر سەگمەنتكە بىرەگەي ۇسىنىستار جاساۋ ارقىلى باسەكەلەستەردى باسىپ وزۋ.
ترەندتەرگە بولجام جاساۋ
نارىقتىق تالداۋ كليەنتتەردىڭ اعىمداعى قاجەتتىلىكتەرىن انىقتاپ قانا قويماي, بولاشاقتا نە كۇتەتىنىن بولجاۋعا دا مۇمكىندىك بەرەدى. اۋقىمدى مالىمەتتەردى تالداۋ, الەۋمەتتىك جەلىلەردى زەرتتەۋ جانە ساتىپ الۋشىلاردىڭ ارەكەتىنە مونيتورينگ جاساۋ كومپانيالارعا ءوز ستراتەگيالارىن ترەند بۇقارالىق دەڭگەيگە شىعىپ كەتكەننەن الدەقايدا بۇرىن بەيىمدەۋگە جول اشادى.
وعان تۇراقتى تۇتىنۋشىلىققا قىزىعۋشىلىقتىڭ ارتىپ كەلە جاتقانى مىسال بولا الادى. ەكولوگيالىقتى ءوز ستراتەگياسىنا بىرىنشىلەردىڭ قاتارىندا قوسقان كومپانيالار كليەنتتەردىڭ سەنىمىن جاۋلاپ, نارىقتاعى ءوز ۇلەسىن ارتتىردى.
مالىمەتتەردى تۇراقتى تۇردە جاڭارتىپ وتىرۋ
نارىقتىق تالداۋ ءبىر رەتتىك شارا ەمەس. ءاردايىم باسەكەگە قابىلەتتى بولۋ ءۇشىن كومپانيالار مالىمەتتەرىن تۇراقتى تۇردە جاڭارتىپ, ءوز ستراتەگياسىنا بەيىمدەپ وتىرۋى ءتيىس. بۇل اسىرەسە جىلدام وزگەرىپ جاتقان الەم جاعدايىندا ماڭىزدى, بۇگىندە كليەنتتەردىڭ قالاۋى بىرنەشە اي ىشىندە وزگەرىپ كەتۋى مۇمكىن.
AI جانە ماشينالىق وقۋ سىندى اۆتوماتتاندىرۋ قۇرالدارى مالىمەتتەردى تاپ قازىرگى رەجيمدە وڭدەپ, ءاپ-ساتتە ستراتەگياعا بەيىمدەۋگە جول اشتى, بۇل بيزنەسكە ايتارلىقتاي باسىمدىق بەرەدى.
نارىقتىق تالداۋ — كليەنتتەر تۋرالى ءبىلىمدى ءساتتى جوباعا اينالدىرۋعا ارنالعان قۋاتتى قۇرالى. مالىمەتتەردى ساۋاتتى پايدالاناتىن كومپانيالار بىرەگەي ونىمدەر جاساپ, قىزمەت كورسەتۋدى جاقسارتىپ, باسەكەلەستەرىن باسىپ وزا الادى. تسيفرلاندىرۋ جانە اۋقىمدى مالىمەتتەر داۋىرىندە تالداۋ مۇمكىندىكتەرىن ەلەمەۋ — ءوسۋ مەن دامۋ مۇمكىندىگىنەن قۇر قالۋمەن تەڭ.
