ايەلدەردىڭ قۇقىقتارى مەن بالالاردىڭ قاۋىپسىزدىگىن قامتاماسىز ەتۋ ماسەلەلەرى بويىنشا قر زاڭىنداعى نەگىزگى شارالاردىڭ ءبىرى – بالالارعا قاتىستى قۇقىق بۇزۋشىلىقتار ءۇشىن جازانى قاتاڭداتۋ جانە كامەلەتكە تولماعاندارعا ءجابىر كورسەتكەنى ءۇشىن اكىمشىلىك جاۋاپكەرشىلىكتى ەنگىزۋ بولدى.
بۇگىنگى تاڭدا جەتىم جانە اتا-انا قامقورلىعىنسىز قالعان بالالاردىڭ 82 پايىزى قازاقستاندىق وتباسىلاردا تاربيەلەنۋدە. 2024 جىلدىڭ قورىتىندىسى بويىنشا تاعى ءۇش مىڭنان استام بالا جاڭا وتباسىن تاپتى.
2025 جىلدان باستاپ وتباسىلىق ورنالاستىرۋدىڭ جاڭا ءتۇرى – كاسىبي قابىلداۋشى وتباسىلار ەنگىزىلمەك. بۇل باستاما قيىن ومىرلىك جاعدايعا تاپ بولعان بالالارعا قامقورلىق كورسەتىپ, ولارعا ءۇي جاعدايىندا قولايلى ورتا قۇرۋ ماقساتىندا جۇزەگە اسىرىلادى.
قازىرگى ۋاقىتتا پاۆلودار وبلىسىندا التى قابىلداۋشى وتباسىندا 28 بالا تاربيەلەنۋدە.
