وبلىستىق پوليتسيا دەپارتامەنتىنىڭ ءباسپاسوز قىزمەتى ءوزىنىڭ Telegram-كانالىندا ەسىرتكى قىلمىسىمەن كۇرەسۋ بويىنشا قىزمەتكەرلەر جۇرگىزگەن وپەراتسيا تۋرالى حابارلادى.
- ءتىنتۋ كەزىندە پوليتسەيلەر ەر ادامنىڭ ۇيىنەن مايونەز شەلەكتەرى, بانكا, پلاستيكالىق بوتەلكەلەر, سومكەلەر مەن ەلەكتروندى تارازىلار تاپتى, ولاردىڭ ىشىندە وسىمدىك تەكتەس ەسىرتكى زاتتارى بولعان, - دەپ جازدى ۆەدومستۆو.
ساراپتاما ارقىلى سالماعى جەتى جانە بەس كەلى بولاتىن ماريحۋانا مەن گاشيش تاركىلەندى. بۇل اسا ءىرى كولەمدەگى ەسىرتكى سانالادى.
كۇدىكتىگە قاتىستى سوتقا دەيىنگى تەرگەۋ امالدارى جۇرگىزىلىپ جاتىر.
ۆەدومستۆو اسا ءىرى مولشەردە زاڭسىز زاتتاردى ساقتاعانى ءۇشىن 10 جىلدان 15 جىلعا دەيىنگى مەرزىمگە باس بوستاندىعىنان ايىرۋعا جازاسى بار ەكەنىن ەسكەرتتى.
ايتا كەتەيىك, قوستاناي وبلىسىندا جىل باسىنان بەرى 13 كەلىدەن استام ەسىرتكى زاڭسىز اينالىمنان تاركىلەندى.
