- جەدەل ءىس-شارالار بارىسىندا ءىرى بيزنەس-ورتالىق كەڭسەلەرىنىڭ بىرىندە رەسەي ازاماتى Call-ورتالىق جۇمىسىن ۇيىمداستىرعان جانە قازاقستاننىڭ 24 ازاماتىن جۇمىسقا ورنالاستىرعان. ولار الەۋەتتى كليەنتتەرگە قوڭىراۋ شالىپ, كريپتوۆاليۋتاعا ينۆەستيتسيا سالۋ ۇسىنىسىمەن اينالىسقان, قولما-قول اقشانى كريپتو شوتتارىنا اۋدارعاننان كەيىن جابىرلەنۋشىلەردىڭ قوڭىراۋلارىنا توسقاۋىل قويعان, - دەلىنگەن حابارلامادا.
ءارتۇرلى GSM-شليۋزدەر مەن «Sim-Box» پايدالانا وتىرىپ, ينتەرنەت ارقىلى ءانونيمدى قوڭىراۋ شالۋعا ارنالعان باعدارلامالىق قامتاماسىز ەتۋ ورناتىلعان كومپيۋتەرلەر مەن باسقا دا جابدىقتاردىڭ 60 بىرلىگى تاركىلەندى.
سونداي-اق دايىن ستسەناريلەرى بار داپتەرلەر تابىلدى, وندا مىنەز-ق ۇلىق الگوريتمى جانە كليەنتتەرمەن قالاي جۇمىس جاساۋ كەرەك ەكەنى كورسەتىلگەن (نە ايتۋ كەرەك, ءوزىن قالاي ۇستاۋ كەرەك, اعا مەنەدجەرلەرگە اۋىسۋ جانە ت.ب.).
- اتالعان فاكت بويىنشا الاياقتىقپەن سوتقا دەيىنگى تەرگەۋ باستالدى, جابىرلەنۋشىلەر مەن كەلتىرىلگەن زالال انىقتالدى. پروكۋراتۋرا ورگاندارى ازاماتتاردى مۇقيات بولۋعا, كۇماندى ينۆەستيتسيالىق سالىمدار تۋرالى كوندىرۋگە بەرىلمەۋگە, وزدەرىنىڭ بانكتىك كارتالارىنىڭ دەرەكتەرى مەن كىرۋ كودتارىن بوگدە ادامدارعا بەرمەۋگە شاقىرادى. مۇنداي Call-ورتالىقتىڭ جۇمىس ىستەۋى تۋرالى اقپارات بولعان جاعدايدا قۇقىق قورعاۋ ورگاندارىنا حابارلاۋ قاجەت, - دەلىنگەن پروكۋراتۋرا حابارلاماسىندا.
