فوتو: istockphoto.com
اتالعان مينيسترلىك قازاقستان اۋماعىنان ءتۇستى جانە قارا مەتالداردىڭ سىنىقتارى مەن قالدىقتارىن, سونداي-اق پايدالانۋدا بولعان قۇبىرلاردى, رەلستەردى, تەمىرجول توسەمىنىڭ ەلەمەنتتەرىن جانە جىلجىمالى قۇرامدى تەمىر جول كولىگىمەن اكەتۋگە تىيىم سالۋدى ەنگىزۋ تۋرالى بۇيرىقتىڭ جوباسىن جاريالادى.
بۇل نورما وتاندىق مەتاللۋرگيالىق كاسىپورىنداردى شيكىزاتپەن قامتاماسىز ەتۋ جانە تيەۋ ماقساتىندا قابىلداندى, ويتكەنى ەل ىشىندە قايتالاما مەتالداردى بارىنشا قايتا وڭدەۋ نەعۇرلىم جوعارى قوسىلعان قۇنى بار ءونىم ءوندىرۋدىڭ, سونداي-اق ەكولوگيالىق تازالىق پەن ەڭ از ەنەرگيا شىعىنى ءۇشىن ستراتەگيالىق ماڭىزدى باعىت بولىپ تابىلادى.
مينيسترلىك ونەركاسىپتى مەملەكەتتىك ىنتالاندىرۋ سالاسىنداعى ۋاكىلەتتى ورگان رەتىندە سوڭعى بىرنەشە جىل ىشىندە ىشكى جانە سىرتقى نارىقتارعا باعدارلانا وتىرىپ, بولات ونەركاسىبى ءوندىرىسىن كەڭەيتۋگە باعىتتالعان دايەكتى جۇمىستاردى جۇرگىزىپ كەلەدى. بۇل ۇلتتىق ونەركاسىپتىك ساياساتتى دامىتۋدىڭ نەگىزگى ەلەمەنتى بولىپ تابىلادى.
بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
