فوتو: freepik.com
ىسكە قوسىلاتىن قاناتقاقتى جوبا 25 قاڭتاردان باستاپ اۋەلى جولاۋشىلار اراسىندا تانىمال باعىتتاردىڭ ءبىرى № ¾ «استانا-الماتى» پويىزىندا جۇزەگە اسىرىلماقشى.
«بۇل جولاۋشىلارعا ساپار بارىسىندا WhatsApp, YouTube سەكىلدى قوسىمشالاردى ەركىن پايدالانۋعا جانە بەينەمازمۇنداردى كورۋگە مۇمكىندىك بەرەدى. الايدا, توررەنتتەر مەن فايلداردى جۇكتەۋ سايتتارىنا شەكتەۋ قويىلاتىن بولادى. جوبانىڭ تەحنيكالىق قولداۋىن قازاقستانداعى OneWeb-ءتىڭ رەسمي سەرىكتەسى Jusan Mobile جۇزەگە اسىرادى», دەلىنگەن ۇلتتىق تاسىمالداۋشى كومپانيانىڭ حابارلاماسىندا.
عالامتور قىزمەتىمەن قاتار, جوبا اياسىندا جولاۋشىلارعا قىزمەت كورسەتۋ ساپاسىن جاقسارتۋ جانە پويىز بريگاداسىنىڭ جۇمىسىن وڭتايلاندىرۋ ءۇشىن بىرقاتار زاماناۋي تەحنولوگيالاردى سىناقتان وتكىزۋ كوزدەلىپ وتىر. ولاردىڭ ىشىندە:
- بيلەتتەردى جىلدام جانە ىڭعايلى تەكسەرۋگە ارنالعان جولسەرىكتەردىڭ موبيلدى قۇرىلعىلارى;
- ۆاگون-مەيرامحانالاردا قولما-قول اقشاسىز تولەم جاساۋعا مۇمكىندىك بەرەتىن POS-تەرمينالدار;
- قاۋىپسىزدىك دەڭگەيىن ارتتىرۋ جانە قىزمەتتىڭ اشىقتىعىن قامتاماسىز ەتۋ ءۇشىن پويىز باسشىلارىنا ارنالعان بەينەتىركەۋىشتەر;
- ۆاگوندارداعى جاعدايدى باقىلاۋدى كۇشەيتۋ ءۇشىن ورناتىلاتىن بەينەباقىلاۋ جۇيەلەرى.
اتالعان قاناتقاقتى جوبا قازاقستاننىڭ وزگە باعىتتارىندا عالامتور قىزمەتىن دامىتۋعا ىقپال ەتەدى.
