فوتو: اشىق دەرەككوز
ەمشى وزىنەن كومەك سۇراپ كەلۋشىلەرگە نەسيە العىزىپ, ونى ءوزىنىڭ شوتىنا اۋدارىپ العان. جابىرلەنۋشىلەردىڭ ارقايسىسى 1 ملن-نان 30 ملن تەڭگەگە دەيىن اقشا اۋدارعان.
«تەرگەۋ بارىسىندا اقتوبەلىك ەمشى ناۋقاس بالاسىن ەمدەتۋ, مەشىت سالۋ, ماسساج بولمەسىن اشۋ ءۇشىن حالىقتى الداپ نەسيە العىزعانى انىقتالدى. وعان سەنگەن ادامدار ءوز اتىنا ونلاين نەسيە الىپ, اقشانى ونىڭ شوتىنا اۋدارعان. ەمشى كەلۋشىلەردى نەسيەنى ءوزىم تولەيمىن دەپ سەندىرىپ, بىراق ۋادەسىندە تۇرماعان. قۇربانداردىڭ كوپشىلىگى ايەلدەر. كەلتىرىلگەن شىعىن شامامەن 100 ميلليون تەڭگەنى قۇرايدى», دەپ حابارلادى وبلىستىق پوليتسيانىڭ ءباسپاسوز قىزمەتى.
ەمشىگە الدانعانداردىڭ كوپشىلىگى وزدەرىن گيپنوزدىڭ قۇربانى بولدىق دەپ ويلايدى. قازىر بۇل ءىس بويىنشا 30-عا جۋىق جابىرلەنۋشى تىركەلگەن. دەگەنمەن, ولاردىڭ سانى ءالى دە ارتۋى مۇمكىن.
قازىرگى تاڭدا كۇدىكتى ۋاقىتشا قاماۋعا الىنعان.
