فوتو: دەنساۋلىق ساقتاۋ مينيسترلىگىنىڭ ءباسپاسوز قىزمەتى
تۋا بىتكەن جۇرەك اقاۋىنان زارداپ شەككەن قىرعىزستاننان كەلگەن بالا جامبىل وبلىسىنداعى كارديوحيرۋرگيا جانە ترانسپلانتولوگيا عىلىمي-كلينيكالىق ورتالىعىنا اۋىر حالدە جەتكىزىلگەن. وپەراتسيا ءساتتى ءوتىپ, ءۇش اپتادان سوڭ بالا ۇيىندە وتىرعان.
رەسەيدەن كەلگەن ەكى ايەلدىڭ تاعدىرى دا وسىنداي بىلىكتى مامانداردىڭ ارقاسىندا جاڭا بەتبۇرىس العان. ولارعا جەدەل ميوكارد ينفاركتى كەزىندە شۇعىل كومەك كورسەتىلىپ, دەر كەزىندە جاسالعان ەمنەن كەيىن ۇيلەرىنە ساۋىعىپ ورالعان.
ەنەرگەتيكالىق سۋسىندارعا تاۋەلدىلىك پەن تەمەكى شەگۋ سالدارىنان جەدەل ميوكارد ينفاركتى مەن كورونارلىق ارتەريانىڭ ترومبوزى دامىعان 26 جاستاعى تۇرىكمەنستاننان كەلگەن ستۋدەنت شۇعىل تۇردە ورتالىققا جاتقىزىلدى. دارىگەرلەر قان تامىرلارىن ستەنتتەۋدى جۇرگىزىپ, ونى ولىمنەن اراشالاپ قالعان
دەنساۋلىق ساقتاۋ مينيسترلىگىنىڭ مالىمەتىنشە دارىگەرلەردىڭ كاسىبيلىگى عانا ەمەس, زاماناۋي جابدىقتارمەن قامتاماسىز ەتىلگەن اتالعان ورتالىق بۇگىندە كارديولوگيا مەن كارديوحيرۋرگيا سالاسىندا شەكاراسىز كومەك كورسەتەتىن ورتالىققا اينالدى. مۇندا جەرگىلىكتى حالىق قانا ەمەس ەمەس, شەتەلدەردەن كەلگەن ناۋقاستار دا شيپا تاپقان. ايتا كەتسەك, بىلتىر جامبىل وبلىسىندا 743 قالا سىرتىنان كەلگەن ناۋقاس پەن 59 شەتەلدىك ازاماتقا شيپالى قولدار كومەك كورسەتىپ, جاڭا ءومىر سىيلاعان ەكەن.
