جيىنعا «Amanat» پارتياسى فراكتسياسىنىڭ جەتەكشىسى ەلنۇر بەيسەنباەۆ, «اۋىل» پارتياسى فراكتسياسىنىڭ جەتەكشىسى سەرىك ەگىزباەۆ, «Respublica» پارتياسى فراكتسياسىنىڭ جەتەكشىسى ايداربەك قوجانازاروۆ, «اق جول» قازاقستان دەموكراتيالىق پارتياسى فراكتسياسىنىڭ جەتەكشىسى ازات پەرۋاشەۆ, قازاقستان حالىق پارتياسى فراكتسياسىنىڭ جەتەكشىسى ماگەررام ماگەرراموۆ, جالپىۇلتتىق سوتسيال-دەموكراتيالىق پارتياسى فراكتسياسىنىڭ جەتەكشىسى اسحات راقىمجانوۆ, سونداي-اق پرەزيدەنتتىڭ پارلامەنتتەگى وكىلدىگىنىڭ باسشىسى امىربەك وسپانبەكوۆ قاتىستى.
كەزدەسۋ بارىسىندا ەرلان قارين مەملەكەت باسشىسىنىڭ ۇلتتىق قۇرىلتاي اياسىنداعى باستامالارىن جۇزەگە اسىرۋعا بەلسەندى قولداۋ كورسەتكەنى ءۇشىن پارتيالاردىڭ فراكتسيالارىنا العىس ايتتى. اتىراۋداعى قۇرىلتايدا ايتىلعان ۇسىنىستاردى جۇزەگە اسىرۋ ءۇشىن 9 زاڭ قابىلداندى. ولاردىڭ قاتارىندا ايەلدەردىڭ قۇقىقتارىن, بالالاردىڭ قاۋىپسىزدىگىن قامتاماسىز ەتۋ; ۆەيپتەرگە, شەگۋگە كەلمەيتىن تەمەكى ونىمدەرىنە تىيىم سالۋ جونىندەگى زاڭدار; سونداي-اق مەملەكەتتىك ناگرادالارعا; ونوماستيكاعا; نىشانداردىڭ بىرىڭعاي ستاندارتىنا; ويىن بيزنەسى, لوتەرەيا جانە لوتەرەيا قىزمەتى ماسەلەلەرىنە; ۆانداليزمگە جانە تابيعي نىسانداردى قورعاۋعا; قۇرمەتتى اتاقتارعا; ەسىرتكى ونىمدەرىمەن اينالىساتىن ادامداردىڭ, سونىمەن قاتار ونى جاسىرىن جەتكىزۋشىلەردىڭ جاۋاپكەرشىلىك جىگىن بولۋگە قاتىستى تۇزەتۋلەر مەن تولىقتىرۋلار بار. مەملەكەتتىك كەڭەسشى اتالعان زاڭدار ىشكى ساياساتقا بايلانىستى جۇمىستىڭ تيىمدىلىگىن ارتتىرۋدا ماڭىزدى ءرول اتقاراتىنىن اتاپ ءوتتى.
سونداي-اق جيىنعا قاتىسۋشىلار مەملەكەت باسشىسىنىڭ «Ana tili» گازەتىندە جارىق كورگەن سۇحباتىندا ايقىنداعان ىشكى ساياسات سالاسىنداعى بيىلعى جۇمىستىڭ باعىت-باعدارى تۋرالى پىكىر الماستى.
