فوتو: elordainfo.kz / باقتىگۇل بۋرباەۆا
ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە, بىلتىر مەملەكەتتىك الەۋمەتتىك جاردەماقى ء(ماج) مۇگەدەكتىگى بويىنشا 552,3 مىڭ ادامعا, اسىراۋشىسىنان ايىرىلۋ جاعدايى بويىنشا 193,9 مىڭ ادامعا بەرىلگەن.
مۇگەدەكتىگى بويىنشا مەملەكەتتىك الەۋمەتتىك جاردەماقىلاردىڭ مولشەرى مۇگەدەكتىكتىڭ توبىنا, سەبەبىنە قاراي بەلگىلەنەدى. سونداي-اق ءتيىستى قارجى «رەسپۋبليكالىق بيۋدجەت تۋرالى» زاڭدا بەلگىلەنگەن ەڭ تومەن كۇنكورىس دەڭگەيىنىڭ مولشەرىنە بايلانىستى ەسەپتەلەدى.
اسىراۋشىسىنان ايىرىلۋ جاعدايى بويىنشا مەملەكەتتىك الەۋمەتتىك جاردەماقىلاردىڭ مولشەرى قايتىس بولعان اسىراۋشىسى اجالىنىڭ سەبەبىنە, قامقورلىعىنداعى ادامداردىڭ سانىنا, ءارى ەڭ تومەن كۇنكورىس دەڭگەيىنە بايلانىستى بولادى.
بۇدان بولەك, مىندەتتى الەۋمەتتىك ساقتاندىرۋ جۇيەسىنە قاتىسۋشىلارعا الەۋمەتتىك تاۋەكەلدەر تۋىنداعان جاعدايدا مەملەكەتتىك الەۋمەتتىك ساقتاندىرۋ قورىنان تولەمدەر اۋدارىلادى. 2024 جىلى 102,3 مىڭ ادام ەڭبەك ەتۋ قابىلەتىنەن ايىرىلعاندىقتان الەۋمەتتىك تولەم السا, 67,9 مىڭعا جۋىق وتباسىنا اسىراۋشىسىنان ايىرىلۋىنا بايلانىستى الەۋمەتتىك تولەم بەرىلگەن.
2025 جىلعى 1 قاڭتاردان باستاپ مۇگەدەكتىگى بويىنشا, اسىراۋشىسىنان ايىرىلۋ جاعدايى بويىنشا مەملەكەتتىك الەۋمەتتىك جاردەماقىلاردىڭ مولشەرى ەڭ تومەن كۇنكورىس دەڭگەيىنىڭ ۇلعايۋىنا بايلانىستى 6,5%-عا ءوستى. ۇكىمەتتىڭ شەشىمىمەن ەڭبەككە قابىلەتتىلىگىنەن, اسىراۋشىسىنان ايىرىلۋ بويىنشا ماسق-دان تولەنەتىن تولەمدەردىڭ مولشەرى دە 6,5%-عا ارتتى. وسىلايشا, مۇگەدەكتىگى بويىنشا ءماج مولشەرى ءى توپ ءۇشىن – 101 702 تەڭگە, ءىى توپ ءۇشىن – 81 362 تەڭگە, ءىىى توپ ءۇشىن 55 474 تەڭگەگە جەتتى.
بيىلعى 1 قاڭتارداعى جاعداي بويىنشا ەڭبەككە قابىلەتتىلىگىنەن ايىرىلۋ بويىنشا الەۋمەتتىك تولەمدەردىڭ ورتاشا مولشەرى 60 407 تەڭگە, اسىراۋشىسىنان ايىرىلۋ بويىنشا 64 772 تەڭگە بولدى.
