فوتو: akt.sud.kz
ءوز بۇيرەگىن زاڭسىز ساتپاق بولعان ەر ادام بۇيرەگىن 9 ميلليون تەڭگەگە باعالاپ, زاڭسىز كەلىسىم جاساعان. اقشانىڭ ءبىر بولىگىن الۋ كەزىندە قۇقىق قورعاۋ قىزمەتكەرلەرىنە ۇستالعان.
اقتوبە سوتى اقپاراتىنشا وعان 1 جىل مەرزىمگە باس بوستاندىعىنان ايىرۋ شارتتى جازاسى تاعايىندالدى.
سوت باس بوستاندىعىنان ايىرۋدىڭ بارلىق تاعايىندالعان مەرزىمىنە پروباتسيالىق باقىلاۋ بەلگىلەنىپ, وعان قىلمىستىق كودەكستىڭ 44-بابى 2-بولىگىنە ساي, پروباتسيا قىزمەتىنە حابارلاماي, تۇراقتى تۇرعىلىقتى جەرىنەن, جۇمىسىنان, وقۋىنان كەتپەۋ جانە اۋىستىرماۋ, ويىن-ساۋىق قۇراتىن جەرلەرگە, مەيرامحانالارعا, دامحانالارعا بارماۋ مىندەتتەرىن ورىنداۋدى مىندەتتەدى.
