سۋرەت: oimaqnews.kz
پالاتا توراعاسى سەناتورلار حالىقپەن كەزدەسۋلەردە كوتەرىلگەن وزەكتى پروبلەمالاردى دەپۋتاتتىق ساۋالدارعا ارقاۋ ەتىپ, ولاردى شەشۋگە بەلسەندى اتسالىسۋ كەرەك ەكەنىن اتاپ ءوتتى.
«جەرگىلىكتى تۇرعىندارمەن كەزدەسۋلەردە ازاماتتارىمىز وزدەرىن الاڭداتقان وزەكتى ماسەلەلەردى كوتەردى. وڭىرلەردىڭ مۇددەسىن قورعايتىن پالاتانىڭ دەپۋتاتتارى رەتىندە سەناتورلار ايماقتاردى دامىتۋ ماسەلەسىنە ەرەكشە ءمان بەرۋى قاجەت. سول سەبەپتى الداعى ۋاقىتتا ءىسساپارلاردىڭ ناتيجەسى بويىنشا ماڭىزدى دەپۋتاتتىق ساۋالدار جاريالانىپ, ازاماتتاردىڭ ۇسىنىستارى پالاتانىڭ زاڭ شىعارۋ قىزمەتىندە ەسكەرىلەدى دەپ سەنەمىن», دەدى م.اشىمباەۆ.
سونىمەن قاتار بيۋرودا وسى اپتادا وتكىزىلەتىن ءىس-شارالار تالقىلاندى. بۇل اپتادا ەاەو-نىڭ ىشكى شەكاراسىندا شەكارالىق وتكىزۋ پۋنكتتەرىن رەكونسترۋكتسيالاۋ جانە سالۋعا, سالىقتىق جانە كەدەندىك اقپاراتتىق جۇيەلەرگە, ازاماتتاردى ءارتۇرلى اۋىل شارۋاشىلىعى داقىلدارىن وسىرۋگە ۇيرەتۋ ءۇشىن ورتالىقتار قۇرۋ جانە ولاردىڭ جۇمىس ىستەۋىنە قاتىستى ماسەلەلەر بويىنشا مۇددەلى مەملەكەتتىك ورگاندارمەن كەزدەسۋلەر جوسپارلانعان. سونداي-اق دەنساۋلىق ساقتاۋ جۇيەسىن تسيفرلاندىرۋ جانە مەديتسينالىق ساقتاندىرۋدى دامىتۋ ماسەلەلەرىنە ارنالعان سەنات كوميتەتىنىڭ كەڭەيتىلگەن وتىرىسى وتەدى.
وتىرىس كەزىندە بيۋرو مۇشەلەرى پالاتانىڭ الداعى بەيسەنبىدە بولاتىن وتىرىسىنىڭ كۇن تارتىبىنە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مادەنيەت, ءبىلىم بەرۋ جانە تالىمگەرلىك ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭدى شىعاردى. بۇل زاڭنىڭ نورمالارى مەملەكەتتىك ءتىلدى قولدانۋ اياسىن كەڭەيتۋ, ونىڭ مارتەبەسىن نىعايتۋ, بالا قۇقىقتارىن قورعاۋ جانە ءبىلىم بەرۋ سالاسىنداعى ۇلتتىق زاڭنامانى ودان ءارى جەتىلدىرۋگە ارنالعان.
