سۋرەتتى تۇسىرگەن – ۆالەري بۋگاەۆ
«ERG Service» جشس قۇرامىنا ەنەتىن پاۆلودار ماشينا جاساۋ زاۋىتىندا تاۋ-كەن-مەتاللۋرگيا, مۇناي-گاز سالالارىنا ارنالعان مەتالل قۇرىلىمدار مەن ستاندارتتى ەمەس تەحنولوگيالىق جابدىقتار, سونداي-اق جۇك كوتەرگىشى 10 توننادان اساتىن كراندار شىعارىلادى.
«ماشينا جاساۋ زاۋىتىنىڭ ونىمدەرى اراسىندا ءتۇرلى ماقساتتا قولدانىلاتىن دانەكەرلەنگەن مەتالل قۇراستىرما, گرەيفەر, جالپى جانە ارنايى ماقساتتا قولدانىلاتىن, تىرەكتى كران تۇرلەرى اسا سۇرانىسقا يە. جىلىنا 12 مىڭ توننا مەتالل قۇيماسى مەن 34 مىڭ مەتالل يلەمدەرىن شىعارامىز. بۇعان قوسا جۇك كوتەرىمدىلىگى 10 توننادان اساتىن 8 كران, جۇك كوتەرىمدىلىگى 10 تونناعا دەيىنگى 40 كران قۇراستىرامىز. ونىمدەرىمىز قازاقستاننىڭ ءوندىرىس ورىندارىمەن قاتار رەسەيدىڭ ءىرى كاسىپورىندارىنا دا جونەلتىلەدى. مۇندا 2,5 مىڭعا جۋىق جۇمىسشى ەڭبەك ەتەدى. زاۋىتتاعى ورتاشا ەڭبەكاقى – 360 مىڭ تەڭگە», دەپ اڭگىمەلەدى «ERG Service» سەرىكتەستىگىنىڭ باس ديرەكتورى سەرگەي پەرەپەچين.
نەگىزى ماشينا جاساۋ زاۋىتى 1995 جىلى قۇرىلعان. 2015 جىلى «ERG Service» قۇرامىنا ەندى. اتالعان كومپانياعا بۇگىندە پاۆلودارلىق زاۋىتتان بولەك, قوستانايداعى جوندەۋ-مەحانيكالىق جانە يلەمدەۋ زاۋىتى, رۋدنىي قالاسى مەن پاۆلودار وبلىسىنداعى جوندەۋ كاسىپورىندارى كىرەدى.
پاۆلودارلىق زاۋىت وندىرىستىك جابدىقتار پاركىن جاڭارتۋدى جۇيەلى تۇردە جۇرگىزىپ كەلەدى. 2014 جىلى «ونىمدىلىك 2020» مەملەكەتتىك باعدارلاماسى اياسىندا مەحانيكالىق تسەح جاڭارتۋدان وتكەن. تسيفرلىق باعدارلامالىق باسقارۋداعى ستانوكتار ساتىپ الىنىپ, تسەح جۇمىسى اۆتوماتتاندىرىلدى. ينۆەستيتسيالىق باعدارلامانى پايدالانىپ, مەتالدى بىتىرا اعىنمەن تازارتاتىن ماشينا الىندى. ناتيجەسىندە, جوعارى ساپاعا يە ماتەريالدى دايىنداۋ ۇدەرىسى ايتارلىقتاي جەتىلە ءتۇستى. ال 2017 جىلى وندىرىسكە ەنگىزىلگەن مەتالدى پلازمالى جانە گاز-وتتەگىمەن كەسەتىن جاڭا قوندىرعى كورسەتكىشتەردى ەسەلەي ءتۇسىپ وتىر.
اتالعان قوندىرعى ءتۇرلى پىشىندەگى بولشەكتەردى از ۋاقىت ىشىندە ازىرلەۋگە, مەتالل قۇراستىرما مەن جۇك كوتەرەتىن تەحنولوگيالىق ماشينالار ءوندىرىسىن ارتتىرۋعا جول اشتى. تسەحتاردا قولمەن جۇرگىزىلىپ كەلگەن جۇمىستار ازايىپ, مەتالدى اۆتوماتتى پلازمامەن كەسۋ جولعا قويىلدى. كومپانيا بىلتىر كۇزدە «Kazakhmys Smelting» جانە «قازتسينكماش» كومپانيالارىمەن يمپورت الماستىرۋ جونىندەگى مەموراندۋمعا وتىردى. ونىڭ اياسىندا كاسىپورىندار بۇعان دەيىن سىرتتان ساتىپ الىپ كەلگەن كەيبىر شيكىزات پەن دايىن ءونىم تۇرلەرىن الماسادى.
پاۆلودار
