جەكەلەي سايىستا عابيدەن مۇستافين قولا جۇلدەگەر اتاندى. باستاپقى باسەكەلەردە گلەب كولوبنيكوۆتى (رەسەي), حاليس ەليبولدى (تۇركيا), گەورگي حاميتساەۆتى (رەسەي) ۇتقان ول جارتىلاي فينالدا رەسەيدىڭ ۇزدىگى نيكيتا گوريگە جول بەردى.
- قىتايدىڭ ليۋيليان قالاسىندا ارالاس جەكپە-جەكتەن «Jue Cheng King 007» دەپ اتالاتىن تۋرنير ءوتتى. جارىستا جەرلەسىمىز سالامات ەسبولاەۆ (7-0) موڭعوليانىڭ وكىلى تۋلوم نامنانبايارمەن (6-1) ايقاستى. وسى كۇنگە دەيىن جەڭىلىستىڭ كەرمەك ءدامىن تاتپاعان قازاقتىڭ قايسار ۇلىنا ءوزىنىڭ سەگىزىنشى جەڭىسىنە قول جەتكىزۋگە نەبارى 52 سەكۋند جەتكىلىكتى بولدى.
- فرانتسيانىڭ نيتستسا قالاسىندا ايەلدەر كۇرەسى-نەن ۇيىمداستىرىلعان انري دەگلاننىڭ گران-پريىندە ەلىمىزدىڭ قورجىنىنا قوس التىن مەدال ءتۇستى. ونىڭ يەگەرلەرى – گۇلدانا بەكەش پەن ەلميرا سىزدىقوۆا. جاستار اراسىندا ازيا چەمپيونى گۇلدانا 59 كگ سالماقتا, ريو وليمپياداسى مەن دجاكارتاداعى ازيا ويىندارىندا قولا مەدالدى قورجىنعا سالعان ەلميرا 76 كگ سالماق دارەجەسىندە دارا شىقتى.
- كەلەسى ايدا قىتايدىڭ حاربين قالاسىندا الاۋى تۇتاناتىن ءىح قىسقى ازيا ويىندارىندا شايبالى حوككەيدەن ەلىمىزدىڭ قۇراما كومانداسىنىڭ قارسىلاستارى انىقتالدى. ءبىزدىڭ جىگىتتەر قىتاي, جاپونيا, وڭتۇستىك كورەيا, تايلاند, تايپەيگە قارسى وينايدى. پلەي-وفف باسەكەلەرى 10 اقپاندا باستالادى, فينالدىق سايىستار 14 اقپاندا وتەدى.
- ءبىرىنشى ورتا سالماقتا كۇش سىناسىپ جۇرگەن ەلىمىزدىڭ تانىمال كاسىپقوي بوكسشىسى ءالي احمەدوۆ ءوزىنىڭ كەزەكتى جەكپە-جەگىن اقش-تىڭ كاليفورنيا شتاتىندا مالكولم دجونسقا (17-4-1, 10 كو) قارسى وتكىزدى. بۇل ايقاس اسا تارتىستى بولمادى. جەرلەسىمىز جەرگىلىكتى بوكسشىنى ەكىنشى راۋندتىڭ العاشقى مينۋتىندا سۇلاتىپ سالدى. تانىمال باپكەر ساعاتبەك مۇساحانوۆتىڭ شاكىرتىنىڭ بۇل كاسىپقوي رينگتەگى 23 جەڭىسى. 17 كەزدەسۋدە ءالي قارسىلاستارىن نوكاۋتقا جىبەردى. ول تەك وسىدان ءتورت جىل بۇرىن ەكۆادورلىق كارلوس گونگوراعا عانا ۇتىلدى.
- حالىقارالىق ۇستەل تەننيس فەدەراتسياسى (ITTF) 2027-2029 جىلدار ارالىعىنداعى الەم چەمپيوناتتارىن قابىلداۋعا نيەت بىلدىرگەن مەملەكەتتەردىڭ تولىق ءتىزىمىن جاريالادى. قۇلشىنىس تانىتىپ وتىرعاندار قاتارىندا ءبىزدىڭ قازاقستان دا بار. ەگەر اسىعىمىز الشىسىنان تۇسسە, تورتكۇل دۇنيەنىڭ تەڭدەسسىزدەرى باس قوساتىن بايراقتى باسەكە ەكى جىلدان كەيىن ءبىزدىڭ ەلدە وتەدى.
- قۇرلىقتىق حوككەي ليگاسىندا (قحل) كۇش سىناسىپ جۇرگەن «بارىس» كەزەكتى تۋر ويىنىن ءياروسلاۆلدىڭ «لوكوموتيۆىنە» قارسى وتكىزدى. ءبىرىنشى كەزەڭدە ەسەپ اشىلماعانىمەن, ەكىنشىسىندە قوناقتار استانالىقتاردىڭ قاقپاسىنا جاۋاپسىز ءۇش شايبا سالدى – 0:3. وسى ەسەپ ماتچتىڭ سوڭىنا دەيىن ساقتالدى. ءسويتىپ, «بارىس» قاتارىنان 11 باسەكەدە جەڭىلىس تاپتى.
- ەلىمىزدىڭ ءبىرىنشى راكەتكاسى ەلەنا رىباكينا تەننيستەن اۋستراليانىڭ اشىق چەمپيوناتىنىڭ ⅛ فينالىندا جەڭىلىپ قالدى. ءتورتىنشى اينالىمدا ەلەنا امەريكالىق مەديسون كيزبەن كەزدەستى. ماتچ ءۇش سەتتە 6:3, 1:6, 6:3 ەسەبىمەن, كيزدىڭ جەڭىسىمەن اياقتالدى. الدىڭعى ماتچتا, ۋكراينالىق دايانا ياسترەمسكايامەن كەزدەسۋ بارىسىندا ە.رىباكينا دارىگەردىڭ كومەگىنە جۇگىنگەن ەدى. ەستەرىڭىزگە سالا كەتەيىك, 2023 جىلى ەلەنا رىباكينا Australian Open فينالىنا شىعىپ, الەمنىڭ ءبىرىنشى راكەتكاسى بەلارۋستىك ارينا سوبولەنكودان جەڭىلىپ قالعان بولاتىن. ماۋسىمداعى العاشقى ۇلكەن دۋلىعا ءتۋرنيرى – اۋستراليانىڭ اشىق چەمپيوناتى 26 قاڭتاردا اياقتالادى. ءتۋرنيردىڭ جۇلدە قورى 96,5 ملن دوللاردى قۇرايدى. تۋرنير جەڭىمپازى $2 169 650, فيناليست $1 177 810 الادى.
