بىلتىر قازاقستاندا ەڭ كوپ ساتىلعان كولىك ماركاسى بەلگىلى بولدى

بۇل كورسەتكىش 2023 جىلمەن سالىستىرعاندا 3,2 پايىزعا كوپ. 2024 جىلعى كولىك ساۋداسى قازاقستان اۆتوريتەيلىنىڭ تاريحىنداعى ەڭ جاقسى ناتيجە بولىپ تىركەلگەن. 

ساتىپ الۋشىلار ەڭ كوپ تاڭداۋ جاساعان ۇزدىك 5 كولىك برەندى: Hyundai, Chevrolet, Kia, Chery, Jac.

«باستاپقىدا ساۋدا از بولعانىمەن, 2024 جىلى باسەكە كۇشەيىپ, وندىرۋشىلەر مەن ديلەرلەر ءتيىمدى ۇسىنىستاردى كوپتەپ جاسادى. ۇكىمەت, قارجى نارىعىن رەتتەۋ اگەنتتىگى, ەكىنشى دەڭگەيلى بانكتەر مەن ميكروقارجى ۇيىمدارى بىرلەسە جۇمىس اتقارىپ, باستاپقى جارنانىڭ بولماۋى, ءبولىپ تولەۋ مۇمكىندىگى سياقتى قارجىلاندىرۋ شارالارىن جۇزەگە اسىردى. ساتىپ الۋشىلارعا جاقسى جاعداي جاسالدى. مۇنىڭ ناتيجەسى دە كوپ كۇتتىرگەن جوق. اۆتوموبيل نارىعى ەكىنشى جىل قاتارىنان رەكورد جاساپ كەلەدى», دەيدى قاو پرەزيدەنتى انار ماقاشەۆا.

2024 جىلعى ەڭ تانىمال 10 مودەل قاتارىندا Chevrolet Cobalt (26 537 ءبىرل.), Hyundai Tucson (22 389 ءبىرل.) جانە Kia Sportage (8 834 ءبىرل.) باستاپ تۇر. سونىمەن قاتار تىزىمدە Hyundai Elantra (6 520 ءبىرل.), Chery Tiggo 2 (5 310 ءبىرل.), Haval M6 (5 185 ءبىرل.), Chery Tiggo 7 Pro (4 907 ءبىرل.), Jac J7 (4 585 ءبىرل.), Hyundai Santa Fe (4 423 ءبىرل.) جانە Kia Sorento (4 208 ءبىرل.) كىرگەن.