اتالعان ءىس-شاراعا باتىردىڭ جاقىندارى, 5514 اسكەري ءبولىمنىڭ باسشىلىعى مەن جەكە قۇرامى, مەكتەپ وقۋشىلارى, قالا اكىمدىگىنىڭ, قۇقىق قورعاۋشى ورگاندارىنىڭ جانە قارۋلى كۇشتەر وكىلدەرى مەن ارداگەرلەرى قاتىستى.
العاشقى ءسوزدى تالدىقورعان قالاسىنىڭ اكىمى ەرنات ءبازىل جەتكىزدى. قالا باسشىسى ەل تىنىشتىعى مەن قاۋىپسىزدىگىن قامتاماسىز ەتۋدەگى ۇلتتىق ۇلان اسكەرىنىڭ ورنى جانە ايبات امانوۆتىڭ ەرلىگى تۋرالى ايتىپ ءوتتى. ودان كەيىن ءسوز كەزەگى ۇلتتىق ۇلاننىڭ «وڭتۇستىك» وڭىرلىك قولباسشىسىنىڭ تاربيە جانە الەۋمەتتىك-قۇقىقتىق جۇمىستار جونىندەگى ورىنباسارى پولكوۆنيك نيازتاي الكەشەۆكە بەرىلدى.
«ۇلتىق ۇلان باتىرى ايبات امانوۆتىڭ ەرلىگى ۇمىتىلمايدى. مەكتەپتە ۇلاندىق باتىردىڭ ەسىمىنە سىنىپتىڭ بەرىلۋى وقۋشىلاردىڭ باتىر, پاتريوت بولىپ وسۋلەرىنە ءوز سەپتىگىن تيگىزەتىنىنە كامىل سەنەمىن», دەدى ن.الكەشەۆ.
قاتارداعى سارباز ايبات ەربول ۇلىنىڭ اناسى گۇلناز الكەنقىزى ۇلى تۋرالى ءوز ەستەلىكتەرىمەن ءبولىستى. ودان سوڭ «ەرلىك سىنىبىنىڭ» لەنتاسىن تالدىقورعان قالاسىنىڭ اكىمى ەرنات دۇيسەنبەك ۇلى مەن پولكوۆنيك نيازتاي بولات ۇلىن جانە ايبات باتىرىمىزدىڭ اپكەسى ينابات ەربولقىزى قيدى.
«ايبات ەكەۋمىز قاتار وستىك. ول اسكەرگە بارىپ, كەيىن استانادا اسكەري قىزمەتتى جالعاستىرۋدى ارماندادى. ەندى مەن ونىڭ ارمانىن ورىنداپ, استاناعا اسكەري قىزمەتكە ورنالاستىم. وسىنداي ءىس-شاراعا قولداۋ كورسەتكەن ۇلتتىق ۇلان باسشىلىعىنا, قالا اكىمدىگى مەن مەكتەپ ديرەكتورى ايجان جۇمادىلوۆاعا العىسىمدى بىلدىرەمىن», دەدى اپكەسى ينابات امانوۆا.
ءدىلناز ساعاتبەكقىزى مەن ايشا تالعاتقىزى اتتى وقۋشىلار ءسوز سويلەپ, ايبات امانوۆقا ارنالعان ولەڭدەرىن وقىدى.
پولكوۆنيك نيازتاي الكەشەۆ ارنايى «جاس بۇركىت» سىنىبىنىڭ سيمۆوليكاسى بەينەلەنگەن شەۆروندار مەن ۇلتتىق ۇلاننىڭ فورماسىن جانە «بۇركىت» جۋرنالىن تابىستادى.
«ەرلىك سىنىبىنىڭ» اشىلۋ سالتاناتى اياقتالعان سوڭ, شاقىرىلعان قوناقتار مەكتەپتىڭ 1 قاباتىندا ورنالاسقان «اكت زالىنا» ءتۇستى. وندا «ەرلىك سىنىبىنىڭ» اشىلۋىنا اتسالىسقان بىرقاتار لاۋازىمدى تۇلعا ىشكى ىستەر ءمينيسترىنىڭ ورىنباسارى – ۇلتتىق ۇلان باس قولباسشىسى گەنەرال-مايور اڭساعان بالتابەكوۆتىڭ قۇقىعىمەن ماراپاتتالدى. اكىمدىك تاراپىنان ايبات امانوۆتىڭ اناسى گۇلناز الكەنقىزىنا ەستەلىك سىيلىقتار تابىستالدى.
ءىس-شارا سوڭى تالدىقورعان قالاسى ش.ۋاليحانوۆ اتىنداعى №10 مەكتەپ گيمنازيا وقۋشىلارى ازىرلەگەن كونتسەرتتىك باعدارلاماعا ۇلاستى.
