فوتو: ەنەرگەتيكا مينيسترلىگى ءباسپاسوز قىزمەتى
وسىعان وراي ەلىمىزدە بىرنەشە جوبا ىسكە اسىرىلىپ جاتىر.
اتاپ ايتساق, «فينسكايا-120» اۆتوماتتاندىرىلعان گاز رەتتەۋ ستانتسياسىن جانە ماگيسترالدىق گاز بۇرۋ قۇبىرىن سالۋ اتىراۋ وبلىسىنداعى ىرى جوبالاردىڭ ءبىرى.
سونىمەن قاتار وسى جىلى «تالدىقورعان – ءۇشارال» ماگيسترالدىق گاز قۇبىرىنىڭ قۇرىلىسى اياقتالادى.
مەملەكەت باسشىسىنىڭ تاپسىرماسىنا سايكەس, قۇرىلىسى ءجۇرىپ جاتىرعان ۇزىندىعى 302 كم «تالدىقورعان-ءۇشارال» ماگيسترالدىق گاز قۇبىرى 124 مىڭ ادامدى قامتيتىن جەتىسۋ وبلىسىنىڭ 66 ەلدى مەكەنىن تابيعي گازبەن قامتاماسىز ەتەدى.
بۇعان قوسا قاشاعان كەن ورنىندا قۋاتى جىلىنا 1 ملرد م3 ءموز سالۋ جۇمىستارى جالعاسىپ جاتىر.
جوبا شيكى گازدى قايتا وڭدەۋدىڭ ۇلتتىق باعدارلاماسى شەڭبەرىندە ىسكە اسادى. بۇل قاشاعان كەن ورنىنان مۇناي ءوندىرۋدى تاۋلىگىنە 25 مىڭ باررەلگە ۇلعايتۋعا جانە ىشكى تۇتىنۋ ءۇشىن تاۋارلىق گاز كولەمىن جىلىنا 700 ملن م3 ۇلعايتۋعا مۇمكىندىك بەرەدى.
ال قاشاعان كەن ورنىنىڭ شيكىزات بازاسىندا جىلىنا 700 مىڭ تونناعا دەيىنگى كولەمدە سۇيىتىلعان مۇناي گازىن ءوندىرۋ جونىندەگى تەحنولوگيالىق كەشەننىڭ قۇرىلىسى باستالدى.
ايتا كەتەيىك, 2026 جىلدان باستاپ سۇيىتىلعان مۇناي گازىنىڭ قوسىمشا كولەمى حالىقتى اۆتوگازبەن قامتاماسىز ەتەدى جانە وڭىردە مۇناي-گاز حيمياسىن دامىتۋعا جول اشادى.
