فوتو: نۇربولات امانجول
تۇرار رىسقۇلوۆ اۋدانىنىڭ اكىمى ەرنار ەسىركەپوۆتىڭ ايتۋىنشا, ەكى كەزەڭ بويىنشا ىسكە اسىرىلعان جوباعا «پارۋس-ت» جشس 200 ملن تەڭگە كولەمىندە ينۆەستيتسيا سالعان. جوبانىڭ قۇرىلىس جۇمىستارى 2023 جىلى تولىعىمەن اياقتالعان. ال وسى جىلدىڭ باسىندا قىتايلىق ماماندار كاسىپورىندى ىسكە قوسۋ بويىنشا ناقتى جۇمىس اتقارعان.
«جاڭا زاۋىتتىڭ قۇرىلىس جۇمىسىنا 30 ادام تارتىلعان. ءوندىرىس وشاعىندا 15 ازامات تۇراقتى جۇمىسپەن قامتىلادى. ال مينەرالدى اۋىزسۋ «باي تال» اتاۋىمەن الداعى ۋاقىتتا نارىققا شىعارىلاتىن بولادى», دەيدى اۋدان باسشىسى.
جاۋاپتى مامانداردىڭ ايتۋىنشا, تۇرار رىسقۇلوۆ اۋدانىندا جالپى قۇنى 16,1 ملرد تەڭگەنى قۇرايتىن 20 ينۆەستيتسيالىق جوبا جۇزەگە اسىرىلىپ جاتىر. وسى جوبالار تولىققاندى اياقتالعان كەزدە اۋداندا 500 جاڭا جۇمىس ورنى قۇرىلماق.
جامبىل وبلىسى
تۇرار رىسقۇلوۆ اۋدانى
