بۇل تۋرالى قر مەملەكەتتىك قىزمەت ىستەرى اگەنتتىگىنىڭ دەپارتامەنتى جۇرگىزگەن تەكسەرۋدەن كەيىن بەلگىلى بولدى. قازاقستان رەسپۋبليكاسى اۋىل شارۋاشىلىعى مينيسترلىگى ۆەتەريناريالىق باقىلاۋ جانە قاداعالاۋ كوميتەتىنىڭ ماي اۋداندىق اۋماقتىق ينسپەكتسياسىنىڭ باس مامانى جۇمىسسىز قالعانى حابارلاندى.
«اگەنتتىكتىڭ حابارلاۋىنشا, 34 جاستاعى باس مامان الەۋمەتتىك جەلىلەردە ونلاين ساۋدا پلاتفورمالارى ارقىلى تاۋارلارعا ءوز بەتىنشە تاپسىرىس بەرۋگە ۇيرەتۋ ماقساتىندا جارنامالار جاريالاعان. وسىعان بايلانىستى سالادا ءبىر جىل جۇمىس ىستەگەن مەمقىزمەتكەر قىزمەتىنەن بوساتىلدى», دەپ جازادى pavlodarnews.kz.
«قازاقستان رەسپۋبليكاسىنىڭ مەملەكەتتىك قىزمەتى تۋرالى» زاڭعا سايكەس, لاۋازىمدى تۇلعانىڭ وقىتۋشىلىق, عىلىمي جانە وزگە دە شىعارماشىلىق قىزمەتتەن باسقا اقىلى قىزمەتپەن اينالىسۋعا قۇقىعى جوق.
ەسكە سالايىق, بۇعان دەيىن ساۋدا جانە ينتەگراتسيا ءمينيسترى ارمان شاققاليەۆ شەتەلدىك ينتەرنەت-دۇكەندەرگە جاڭا ەرەجەلەر ەنگىزۋدى ۇسىنعان بولاتىن. ولارعا Wildberries جانە Ozon كىرەدى.
