قازىر ءبىر اجالدان امان قالعان مۇعالىم ۇيىندە ەم-دوم الىپ جاتىر. ونىڭ قۇلان-تازا ايىعىپ كەتۋىنە كەمى جارتى جىل كەرەك دەيدى دارىگەرلەر. سەبەبى, قۋات ايتقاليدىڭ سىنعان باس سۇيەگىنىڭ ورنىنا ەكى ايدان كەيىن پلاستماسس سالىنادى.
ال وسى وقىس وقيعادان كەيىن تەكسەرىس جۇرگىزگەن ەڭبەك ينسپەكتسياسى جازاتايىم جاعدايعا جۇمىس بەرۋشى كىنالى دەيدى. ويتكەنى شىرشا بەزەندىرۋگە مەكتەپ ديرەكتورى جۇمساعان ەكەن. سوندىقتان جابىرلەنۋشى اقىلى تۇردە ەمدەلسە, كەتكەن بارلىق شىعىن تولەنەدى, دەيدى ارنايى كوميسسيا وكىلدەرى. سونداي-اق مۇعالىمگە جالاقىسى دا ءالى تولەنىپ جاتىر. ال ەڭبەك ينسپەكتورلارى تەكسەرىس قورىتىندىسىن قۇزىرلى ورگاندارعا جولداعان.
«بۇل جەردە اكت جاسالىندى, ءتيىستى قۇجاتتار تولتىرىلدى. ەندى قۇقىق قورعاۋ ورگاندارىنا جىبەرىلەدى. ويتكەنى قر قك 156-بابىنا سايكەس, جۇمىس بەرۋشىلەر ەڭبەك قورعاۋ ەرەجەسىن بۇزعان», دەيدى اباي وبلىسى مەملەكەتتىك ەڭبەك ينسپەكتسياسى دەپارتامەنتىنىڭ ءبولىم باسشىسى توقتاربەك تۇسىپباەۆ.
