سۋرەت: senate.parlam.kz
وندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە بايلانىس قىزمەتتەرىن كورسەتۋ, مەملەكەتتىك ساتىپ الۋ, كولىك جانە پوشتا ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭدى تالقىلاۋ كۇن تارتىبىندەگى باستى ماسەلە بولدى.
وتىرىس بارىسىندا زاڭنىڭ ماقساتى پوشتا بايلانىسىن دامىتۋ, جەتكىزۋدى وڭايلاتۋ, پوشتانى ورنالاستىرۋ جانە پوشتاعا جاۋاپتى ورگانداردىڭ جۇمىسىن جاقسارتۋ ەكەنى اتالىپ ءوتتى. وتىرىسقا قاتىسۋشىلار «قازپوشتا» اق قىزمەتىن ەگجەي-تەگجەيلى تالقىلاي كەلىپ, پوشتا, لوگيستيكا, قارجى سالاسى مەن الەۋمەتتىك قىزمەت كورسەتۋ, اۋىلدىق جەرلەردەگى مەملەكەتتىك قىزمەتتەردى دامىتۋ جانە ماتەريالدىق-تەحنيكالىق بازانى نىعايتۋ ماسەلەلەرىنە نازار اۋداردى. اۋىلدىق ەلدى مەكەندەردى پوشتا جانە قارجى ينفراقۇرىلىمىمەن قامتاماسىز ەتۋ, پوشتا بولىمشەلەرىن ساقتاۋ جانە پوشتا قىزمەتكەرلەرىنىڭ جالاقى دەڭگەيىن ارتتىرۋ تاقىرىبى دا قوزعالدى.
سەنات كوميتەتىنىڭ توراعاسى سۇيىندىك الداشەۆ شالعاي وڭىرلەردە بىرقاتار قىزمەت تۇرلەرى عانا ۇسىنىلاتىن پوشتا بولىمشەلەرىنىڭ الەۋمەتتىك رولىنە توقتالدى.
قاتىسۋشىلار كەزدەسۋ بارىسىندا «قازپوشتانى» تۇراقتى دامىتۋ جونىندە ۇسىنىستار ايتتى جانە سالانى نىعايتۋ ءۇشىن ينۆەستيتسيا تارتۋ قاجەتتىگى تۋرالى ويلارىن ورتاعا سالدى.
