فوتو: سىرتقى ىستەر مينيسترلىگى (ارحيۆ)
قازىرگى ۋاقىتتا شەتەلدەگى ديپلوماتيالىق قىزمەتتەر ارقىلى پاسپورت الۋ مەرزىمى شامامەن 90 كۇنگە دەيىن (egov.kz) سوزىلسا, ەندى 2 ەسە قىسقارادى. جوبا 6 ساۋىرگە دەيىن قوعامدىق تالقىلاۋدا بولادى.
قازىر شەتەلدە پاسپورت الۋ بىرنەشە كەزەڭنەن تۇرادى:
- ازامات كونسۋلدىققا ءوتىنىش بەرەدى;
- كونسۋلدىق قۇجاتتاردى جيناپ, فوتوسۋرەت پەن تولەم كۆيتانتسياسىن قوسا قازاقستانعا جىبەرەدى;
- ءىىم پاسپورتتى شىعارىپ, ءمور باسىپ, تەكسەرىستەر جۇرگىزەدى;
- دايىن قۇجات قايتادان كونسۋلدىققا جەتكىزىلىپ, ازاماتقا بەرىلەدى.
ۇزاقتىق كوبىنە قۇجاتتاردى تاسىمالداۋ, قاعازباستىلىق جانە كونسۋلدىقتارداعى كەزەككە بايلانىستى.
جاڭا ەرەجە قابىلدانسا, قۇجاتتاردى جيناۋ مەن جىبەرۋ پروتسەسى جەدەلدەيدى, تسيفرلىق جۇيە ارقىلى كەيبىر وپەراتسيالار ونلاين وڭدەلەدى. ناتيجەسىندە شەتەلدەگى ازاماتتار پاسپورتتى شامامەن 2 ايدان از مەرزىمدە الا الادى, ال كونسۋلدىقتارداعى جۇكتەمە ازايادى.
بۇل وزگەرىس شەتەلدەردەگى وتانداستارىمىز ءۇشىن قۇجات راسىمدەۋدىڭ جىلدام ءارى قولجەتىمدى بولۋىنا مۇمكىندىك بەرەدى.
