فوتو: اقوردا
قاسىم-جومارت توقاەۆ مەيماندارعا ءىلتيپات ءبىلدىرىپ, ىنتىماقتاستىقتى نىعايتۋعا جانە قازاقستاندا اۋىر اتلەتيكانى دامىتۋعا ۇلەس قوسقانى ءۇشىن فەدەراتسيالاردىڭ باسشىلارىنا ريزاشىلىعىن ءبىلدىردى.
پرەزيدەنت ەلىمىزدە سپورتتىڭ وسى ءتۇرى ەرەكشە ماڭىزعا يە ەكەنىن اتاپ ءوتتى. بۇگىندە 20 مىڭنان استام وتانداسىمىز اۋىر اتلەتيكامەن جۇيەلى تۇردە اينالىسادى.
سونىمەن قاتار مەملەكەت باسشىسى قازاقستاندا اتالعان سپورت ءتۇرىن ىلگەرىلەتۋ ءۇشىن فەدەراتسيالارمەن ناتيجەلى ءارى تىعىز قارىم-قاتىناستى جانداندىرۋعا نازار اۋداردى.
ءوز كەزەگىندە مۇحاممەد يۋسۋف ءال-مانا قوناقجايلىق تانىتقانى ءۇشىن قاسىم-جومارت توقاەۆقا العىس ايتىپ, قازاقستاندا اۋىر اتلەتيكا مەكتەبى قالىپتاسقانىن مالىمدەدى. سونىمەن قاتار استانا, الماتى قالالارىندا اۋىر اتلەتيكادان ورتالىق ازيا ەلدەرى ءۇشىن وڭىرلىك حاب قۇرۋعا قاجەتتى جاعداي جاسالعانىنا توقتالدى.
ال مۇحاممەد دجالۋد ءال-شامماري ەلىمىزدىڭ اۋىر اتلەتتەرى باحرەيندە وتكەن الەم چەمپيوناتىندا تابىستى ونەر كورسەتكەنىن اتاپ ءوتىپ, لوس-اندجەلەس وليمپياداسىنىڭ ليتسەنزيالىق ءتۋرنيرىن وتكىزۋگە قازاقستاننىڭ مۇمكىندىگى مول ەكەنىن جەتكىزدى.
كەزدەسۋ سوڭىندا پرەزيدەنت اۋىر اتلەتيكانى ىلگەرىلەتۋگە ۇلەس قوسقانى ءۇشىن مۇحاممەد دجالۋد ءال-شامماري مەن مۇحاممەد يۋسۋف ءال-مانانى ءىى دارەجەلى «دوستىق» وردەنىمەن ماراپاتتادى.
