22 قاڭتاردان باستاپ تۇندە تەمپەراتۋرا ايتارلىقتاي تومەندەيدى. ەلىمىزدىڭ باتىسىندا اۋا تەمپەراتۋراسى 10-20 گرادۋس اياز بولادى, سولتۇستىك باتىس پەن سولتۇستىكتە 20-30 گرادۋس اياز, ورتالىق پەن شىعىستا 25-35 گرادۋس, وڭتۇستىكتە 12-25 گرادۋسقا دەيىن اياز كوتەرىلەدى.
اتلانت مۇحيتىنان كەلگەن ىلعالعا تولى تسيكلون قازاقستان اۋماعىنداعى اۋا رايىنا ىقپال ەتەدى. تسيكلوننىڭ اعىندى بولىكتەرى قار, بۇرقاسىن اكەلەدى, ەلىمىزدىڭ باتىسى مەن وڭتۇستىگىندە, ال 20-21 قاڭتاردا سولتۇستىك وڭىرلەردە قار ارالاس جاڭبىر جاۋى ىقتيمال.
ەلىمىزدە جەل كۇشەيىپ, تۇمان تۇسەدى جانە كوكتايعاق بولادى.
18 قاڭتاردا تۇركىستان وبلىسىندا تۇندە قاتتى جاۋىن-شاشىن تۇسەدى.
20 قاڭتاردا ۇلىتاۋ, 21 قاڭتاردا اقتوبە, قوستاناي جانە سولتۇستىك قازاقستان وبلىستارىندا, 21-22 قاڭتاردا اقمولا وبلىسىندا, 22 قاڭتاردا پاۆلودار, قاراعاندى, تۇركىستان, جامبىل جانە اباي وبلىستارىندا قالىڭ قار جاۋادى. 22-23 قاڭتاردا شىعىس قازاقستان, الماتى جانە جەتىسۋ وبلىستارىندا قالىڭ قار تۇسەدى.
