فوتو: اشىق دەرەككوز
جالپى جينالىستا كوندومينيۋم وبەكتىسىنىڭ ورتاق مۇلكىن كۇتىپ-ۇستاۋعا ارنالعان شىعىستار سمەتاسىن, ونىڭ ىشىندە تۇرعىن ەمەس ءۇي-جايلاردىڭ مەنشىك يەلەرى ءۇشىن جارنا سوماسىن بەكىتۋ تۋرالى شەشىم قابىلدانعان. جەرگىلىكتى سوتتار تالاپ قويۋدى قاناعاتتاندىرۋدان باس تارتقان.
«جوعارعى سوت سوت اكتىلەرىن كاسساتسيالىق قاراۋ كەزىندە ءبىرىنشى جانە اپەللياتسيالىق ساتىلارداعى سوتتاردىڭ «تۇرعىن ءۇي قاتىناستارى تۋرالى» زاڭىنىڭ نورمالارىنا قايشى كەلەتىن بىرقاتار ەلەۋلى ءمان-جايلاردى ەسەپكە الماعانىن انىقتادى.
- زاڭنىڭ 42-1-بابىنىڭ 1-تارماعىن بۇزا وتىرىپ, تۇرعىن ەمەس ءۇي-جايلارعا ءتاريفتى بەكىتۋ تۋرالى شەشىمدى مەنشىك يەلەرىنىڭ كوپشىلىگى ءىس جۇزىندە قولداماعان;
- جازباشا ساۋالناما زاڭدا بەلگىلەنگەن مەرزىمدەردى بۇزا وتىرىپ, زاڭنىڭ 42-2-بابىنىڭ 3-تارماعىن ساقتاماي جۇرگىزىلگەن;
- ء«تاريفتى كوتەرۋ تۋرالى» كۇن تارتىبىندەگى ءبىرىنشى وتىرىسقا دەيىن دە, قايتالاما وتىرىستان كەيىن داۋلى حاتتامالىق شەشىم قابىلدانعان», دەلىنگەن حابارلامادا.
ناتيجەسىندە ءىستىڭ ناقتى ءمان-جايلارى بۇرمالانىپ, سەرىكتەستىكتىڭ قۇقىقتارى مەن زاڭدى مۇددەلەرى بۇزىلعان. جوعارعى سوتتىڭ ازاماتتىق ىستەر جونىندەگى سوت القاسى زاڭسىز سوت اكتىلەرىنىڭ كۇشىن جويىپ, ءۇي-جايلاردىڭ (پاتەرلەردىڭ) مەنشىك يەلەرىنىڭ جالپى جينالىسىنىڭ حاتتاماسى جارامسىز دەپ تانىلعان.
