وبلىس قايتا قۇرىلعانعا دەيىن قالاداعى بىرقاتار جىلۋ قازاندىعىنىڭ 80 پايىزىنىڭ توزىعى جەتكەن ەدى. بۇگىنگى كۇنى جاعداي تۇزەلىپ كەلەدى. دەپۋتاتتىڭ ايتۋىنشا, 2024 جىلى رەسپۋبليكالىق بيۋدجەتتەن قاراجاتتىڭ بولىنۋىنە وراي ولاردىڭ ەسكىرۋى 60 پايىزعا تومەندەگەن. جىلۋ قازاندىقتارىنا قاراجاتتىڭ بولىنۋىنە ءماجىلىس دەپۋتاتتارى ىقپال ەتكەنىنە نازار اۋداردى.
ء«بىز بۇل جىلۋ ەنەرگەتيكا ورتالىعىنىڭ قىزمەتكەرلەرىمەن ۇنەمى كەزدەسىپ ءجۇرمىز. وسى سالاداعى پروبلەمالاردى جاقسى بىلەمىز. سوندىقتان ونىڭ شەشىلۋىنە, بيۋدجەتتەن قاراجات بولىنۋىنە ىقپال ەتىپ, زاڭنامالىق تۇرعىدا قولداۋ كورسەتۋگە اتسالىسىپ كەلەمىز. ەڭ باستىسى, بۇل جۇمىستى ءارى قاراي جالعاستىرامىز», دەدى ن. سابيليانوۆ.
جالپى سەمەي قالاسىندا جالپى 21 قازاندىق بار. سونىڭ ءبىرى وسى «ورتالىق» جەق 1988 جىلى پايدالانۋعا بەرىلىپ, ىسكە قوسىلعان. قازاندىق تۇرعىن ۇيلەردىڭ, الەۋمەتتىك نىسانداردىڭ جانە قالاداعى 155 كوپقاباتتى ءۇيدى جىلۋمەن قامتاماسىز ەتىپ وتىر.
وڭىرگە ساپارى بارىسىندا دەپۋتات ن.سابيليانوۆ سەمەي قالاسى, جاڭاسەمەي, بەسقاراعاي, جارما, اياگوز اۋداندارى مەن بىرنەشە ەلدىمەكەندەردە حالىقپەن كەزدەسىپ, الەۋمەتتىك نىسانداردىڭ جۇمىسىمەن تانىستى.
تۇرعىندار كوتەرگەن ساۋالدار مەن ماسەلەلەردى پارلامەنت قابىرعاسىندا قارايتىنىن, جۇمىس جۇرگىزەتىنىن ايتتى.
