ەلدەگى احۋال تۋرالى توتەنشە جاعدايلار, ەكولوگيا جانە تابيعي رەسۋرستار, تسيفرلىق دامۋ, سۋ رەسۋرستارى جانە يرريگاتسيا, سونداي-اق كولىك مينيسترلىكتەرى بايانداما جاسادى.
«قازگيدرومەت» رمك مالىمەتىنشە, ناۋرىز ايى جىلى ءارى جاۋىن-شاشىندى بولادى دەپ كۇتىلۋدە. ەلدىڭ باسىم بولىگىندە اۋا تەمپەراتۋراسى مەن جاۋىن-شاشىن مولشەرى كليماتتىق نورمادان جوعارى بولجانىپ وتىر.
ءساۋىر ايى دا جىلى بولادى دەپ كۇتىلەدى. باتىس وڭىرلەردە, سونداي-اق ەلدىڭ وڭتۇستىگى مەن وڭتۇستىك-شىعىسىنداعى تاۋلى جانە تاۋ بوكتەرىندەگى اۋدانداردا جاۋىن-شاشىن مولشەرى نورمادان جوعارى بولۋى مۇمكىن.
بولجامدى ەسكەرە وتىرىپ, سۋ تاسقىنى قاۋپىنىڭ دەڭگەيى بويىنشا وڭىرلەر ايقىندالدى:
قاۋىپ دەڭگەيى جوعارى:
اقمولا, سولتۇستىك قازاقستان, قاراعاندى, شىعىس قازاقستان وبلىستارى جانە اباي وبلىسى.
قاۋىپ دەڭگەيى ورتاشا:
قوستاناي, باتىس قازاقستان, اقتوبە, پاۆلودار, تۇركىستان, الماتى وبلىستارى, سونداي-اق ۇلىتاۋ جانە جەتىسۋ وبلىستارى.
قاۋىپ دەڭگەيى تومەن:
اتىراۋ, ماڭعىستاۋ, قىزىلوردا جانە جامبىل وبلىستارى.
Tasqyn اقپاراتتىق جۇيەسىندە سۋ تاسقىنى جاعدايىن مودەلدەۋ ناتيجەسىندە, «قازگيدرومەت» رمك, سۋ رەسۋرستارى جانە يرريگاتسيا مينيسترلىگى جانە Talsim-NG جۇيەسىنىڭ دەرەكتەرى نەگىزىندە 34 ەلدى مەكەن ىقتيمال قاۋىپ ايماعىنا ەنگىزىلدى (8 – اقمولا وبلىسىندا, 1 – اباي وبلىسىندا, 8 – سولتۇستىك قازاقستان وبلىسىندا, 2 – قاراعاندى وبلىسىندا, 2 – اقتوبە وبلىسىندا, 13 – باتىس قازاقستان وبلىسىندا).
Tasqyn جۇيەسىنە 98 گيدرولوگيالىق بەكەت بويىنشا قىسقا جانە ۇزاق مەرزىمدى بولجامدار كەلىپ تۇسەدى. Talsim-NG ەسەپتەۋلەرىنىڭ ناتيجەسىندە 72 ۆيرتۋالدى گيدروبەكەت بويىنشا سۋ شىعىنىنىڭ بولجامدارى قالىپتاستىرىلدى. مودەلدەۋ ەسىل, نۇرا, جايىق, سىرداريا, شۋ, تالاس, توبىل جانە ەرتىس وزەندەرىنىڭ باسسەيندەرىندە جۇرگىزىلۋدە.
پرەمەر-ءمينيستردىڭ ورىنباسارى قانات بوزىمباەۆ اۆتوموبيل جانە تەمىرجول جولدارىنىڭ سۋ وتكىزۋ قابىلەتىن ارتتىرۋ جونىندەگى شارالار تۋرالى ەسەپتەردى تىڭدادى. بۇگىنگى كۇنى 582 سۋ وتكىزۋ قۇبىرى سالىندى, اۆتوجولداردى رەكونسترۋكتسيالاۋ بارىسىندا 63 كوپىر تۇرعىزىلدى. شىعىس قازاقستان جانە قوستاناي وبلىستارىندا بەس اپاتتى كوپىرگە كۇردەلى جوندەۋ جۇرگىزىلدى.
سونىمەن قاتار ۆيتسە-پرەمەرگە سۋ تاسقىنى قاۋپى بار وڭىرلەرگە جاسالعان ءىسساپارلاردىڭ ناتيجەلەرى جانە ازاماتتىق قورعاۋ كۇشتەرىنىڭ ارەكەت ەتۋگە دايىندىعى تۋرالى باياندالدى. توتەنشە جاعدايلاردى جويۋ ءۇشىن سانى 39 مىڭنان استام ادام قۇرايتىن رەسپۋبليكالىق جانە وڭىرلىك كۇشتەر مەن قۇرالدار توپتاستىرىلدى. ولاردىڭ قاراماعىندا 12 مىڭنان استام تەحنيكا, 4 مىڭنان استام سۋ سورۋ قۇرالى جانە 700-گە جۋىق ءجۇزۋ قۇرالى بار.
«كوكتەم-2026»: شىمكەنتتە سۋ تاسقىنىنىڭ الدىن الۋ شارالارى كۇشەيتىلدى
1 ناۋرىزدان باستاپ تجم جەدەل شتابى تاۋلىك بويى جۇمىس ىستەۋدە. گيدرولوگيالىق جاعداي مەن سۋ تاسقىنى قاۋپى بار اۋماقتاردىڭ جاي-كۇيىنە تۇراقتى مونيتورينگ جۇرگىزىلۋدە.
