senate.parlam.kz
پرەزيدەنت ەسەپتىك جىلدا كوپتەگەن ماڭىزدى جوبا مەن باستامالار جۇزەگە اسىرىلعانىن, ەل ەكونوميكاسىنىڭ قارقىندى دامۋى مەن ازاماتتاردىڭ ءال-اۋقاتىن ۇدايى جاقسارتۋ – مەملەكەتتىك ساياساتتىڭ باستى باسىمدىقتارى ەكەنىن باسا ايتتى.
تۇراقتى ەكونوميكالىق ءوسۋدى قامتاماسىز ەتۋ جانە ازاماتتاردىڭ ءومىر ءسۇرۋ ساپاسىن ارتتىرۋ – ۇكىمەتتىڭ باستى مىندەتى. ەكونوميكانى ءارتاراپتاندىرۋ, ينفراقۇرىلىمدى قارقىندى جاڭعىرتۋ, جاڭا ساپالى جۇمىس ورىندارىن قۇرۋ سەكىلدى كۇن تارتىبىندە تۇرعان وزەكتى ماسەلەلەرگە توقتالدى. بۇل رەتتە پرەزيدەنت ۇكىمەت جۇمىسىنىڭ تيىمدىلىگى ماكروەكونوميكالىق كورسەتكىشتەرمەن عانا ەمەس, سونداي-اق ءاربىر ازاماتتىڭ ومىرىندەگى ناقتى جانە وڭ وزگەرىستەرمەن ولشەنۋگە ءتيىس ەكەنىن ەرەكشە اتاپ ءوتتى.
مەملەكەت باسشىسىنىڭ بۇل ءتاسىلى ەكونوميكانى دامىتۋدىڭ جاي عانا ۇزاق مەرزىمدى ستراتەگياسى ەمەس, مەملەكەتتىك باسقارۋدىڭ بارلىق دەڭگەيىنەن جوعارى جاۋاپكەرشىلىكتى, كاسىبيلىكتى, ۇيلەسىمدىلىك پەن جۇيەلى كوزقاراستى تالاپ ەتەتىن كۇندەلىكتى قاجىرلى جۇمىس ەكەنىن ايقىن كورسەتەدى.
سۇيىندىك الداشەۆ,
سەنات دەپۋتاتى
