جوسپار بەكىتىلىپ, جۇمىس باستالدى

2025–2026 جىلدارى وقۋ-زەرت­حانالىق كورپۋسىن اشۋ, جاڭا يدەيا­لار حاكاتونىن, حالىقارالىق «DostiSkills-2025» سالالىق چەمپيو­ناتىن, حالىقارالىق سالالىق اك­كرە­­ديت­تەۋدى وتكىزۋ جوسپارلانىپ وتىر. سونداي-اق ءىت hub جانە جۇ­مىس بەرۋشىلەردىڭ قولداۋىمەن قۇزىرەت­تەر ورتالىعىن اشۋ, بيزنەستىڭ ناقتى سۇرانىستارى بويىنشا نىسانالى ءبىلىم بەرۋ تاپسىرىسىن ۇلعايتۋ جانە ءوڭىر كوللەدجدەرىندە جاڭا ماماندىقتار اشۋ قاراستىرىلعان. ن.بەكبوسىنوۆ اتىنداعى ماڭعىستاۋ ەنەرگەتيكالىق كوللەدجى «سۋمەن جابدىقتاۋ جانە سۋ بۇرۋ جۇيەلەرىنىڭ تازارتۋ قۇرىلىستارىن پايدالانۋ», و.تۇرماعامبەت ۇلى اتىنداعى ماڭعىستاۋ يندۋستريالىق-تەحنيكا­لىق كوللەدجى «گيدروگەولوگيا جانە ينجەنەرلىك گەولوگيا» ماماندىعى بويىنشا كادر دايارلايدى.

قازىرگى ۋاقىتتا كوللەدجدەردىڭ ءبىلىم بەرۋ باعدارلامالارى جاڭا ماماندىقتار اتلاسىنىڭ وزەكتى تالاپتارىنا ساي بولۋ ءۇشىن جاڭار­تىلىپ جاتىر.

«وڭىردە 2022 جىلى ەڭبەك نارى­عىنا ساي جاڭا ماماندىقتار اشۋ, جۇمىسپەن قامتۋدىڭ تۇراقتىلىعىن قامتاماسىز ەتۋ ماقساتىندا «جاڭا ماماندىقتار اتلاسى» ىسكە اسىرىلىپ, سۇرانىسقا يە ءبىلىم بەرۋ, تۋريزم, مۇناي-گاز سالاسىنداعى ماماندىقتار ايقىندالدى. نىسانالى قارجىلان­دىرۋ شەڭبەرىندە ەسەنوۆ اتىندا­ع­ى ۋنيۆەرسيتەت جوعارى وقۋ گرانتى نە­گىزىندە بىلتىر جانە بيىل ماڭ­عىستاۋ وبلىسىنىڭ جاڭا كاسىپتەر مەن قۇزىرەتتىلىكتەر اتلاسى جۇمىسىن جالعاستىرۋدا. وسى جىلى قۇرىلىس, ەنەرگەتيكا, لوگيستيكا سالالارىنا باسىمدىق بەرىلىپ وتىر. قازىر قۇجاتقا سايكەس تەحنيكالىق جانە كاسىپتىك ءبىلىم ۇيىمدارىنىڭ وقۋ باعدارلامالارى بويىنشا ميكرو­بى­لىكتىلىكتەردى جاڭار­تۋ جۇمىستارى جۇرگىزىلۋدە. كوللەدج­دەردە سالاعا بەيىندەۋ جۇمىستارى كەزەڭ-كەزەڭىمەن اتقارىلادى. بىلىك­تى مامانداردى دايار­لاۋ 89 مامان­دىقتىڭ 129 بىلىكتى­لىگى بويىنشا وقىتى­لىپ جاتىر. 2024–2025 وقۋ جىلىنا 65 ماماندىقتىڭ 92 بىلىكتىلىگى بويىنشا 5 615 ورىنعا مەملەكەتتىك ءبىلىم بەرۋ گرانتى ءبولىندى. ونىڭ ىشىندە 70 جۇمىس بەرۋشى مەن كوللەدج اراسىندا كەلىسىمشارت نەگىزىندە ناقتى سۇرانىسىنا سايكەس مەملەكەتتىك ءبىلىم بەرۋ گرانتىنا 580 ستۋدەنت قابىلداندى. ولار – ءبىز­دىڭ وڭىردەگى «كازكور-ترانسسەرۆيس», «وزەنس­پەتسستروي», «قازازوت» سەكىلدى ءىرى-ءىرى مەكەمەلەر», دەدى ماڭعىستاۋ وب­لى­سىنىڭ اكىمى ن.قيلىباي.

كوللەدجدەردىڭ ماتەريالدىق-تەحنيكالىق بازاسىن جاقسارتۋ ءۇشىن 2025 جىلعا قاراي ماڭعىستاۋ ين­دۋستريالدى-تەحنيكالىق كوللەد­ج­ىن­دە ەمحانانىڭ بۇرىنعى عيماراتىن وقۋ-زەرتحانالىق كورپۋسقا قايتا جوس­پارلاۋ جۇرگىزىلىپ جاتىر. بەينەۋ اۋدانىنداعى ەكى كوللەدج ءۇشىن جاڭا عيماراتتى جوبالاۋ قولعا الىندى.