ميلليوننان استام مال قىستاۋعا كىردى

وڭىردەگى فەرمەرلەر مەن جەكە تۇرعىنداردىڭ قىستاعىندا 456 مىڭ قارا مال, 623 مىڭ قوي مەن ەشكى بار.

«بيىل جازدا جەم-ءشوپ دايىن­­دالعان شابىندىقتار اۋما­­عى 281 مىڭ گەكتاردى قۇراپ, وتكەن جىلعىدان 19 مىڭ گەكتارعا ارتىق بولدى. ناتيجەسىندە فەر­مەر­­لەرىمىز ءبىر جارىم جىلعا جەتە­تىن مال ازىعىن قامداپ الدى. شامامەن 1 ملن 835,6 مىڭ تون­نا ءشوپ شابىلىپ, جوسپار ارتىعىمەن ورىندالدى. بۇعان قوسا 112,3 مىڭ توننا پىشەندەمە, 182 مىڭ توننا سۇرلەم, 317 مىڭ توننا سابان دايىندالدى. شابىن­­دىقتاردا مايالانعان ءشوپ­تىڭ 91%-ى قىستاقتارعا جەتكىزىلدى», دەيدى پاۆلودار وبلىسى اۋىل شارۋاشىلىعى باس­قار­ماسى باسشىسىنىڭ ورىنباسارى تولەگەن كوشەرباەۆ.

ايماقتاعى ءىرى قارا مالدىڭ 17,6%-ى اسىل تۇقىمدى. 168-دەن استام شارۋاشىلىق اسىل تۇ­قىمدى سيىرلاردى وسىرۋمەن اينالىسادى. ەت باعىتىندا – قازاقتىڭ اقباس سيىرى, گەرەفورد, ابەردين-انگۋس, اۋليەكول تۇقىمدارى, ءسۇت باعىتىندا سيممەنتال, گولشتين, قىزىل دالا تۇرلەرى ءوسىرىلىپ وتىر. ال ۇساق مالداردىڭ 3,9%-ى, جىلقىنىڭ نەبارى 2,4%-ى عانا اسىل ت ۇلىك سانالادى.

ستاتيستيكالىق دەرەكتەر اي­ماق­تاعى ءىرى قارانىڭ ازايعانىن كور­سەتەدى. 2022 جىلى وڭىردە 527,8 مىڭ ت ۇلىك سانالسا, قازىر ولاردىڭ سانى 467 مىڭنان ءسال اسادى. ال جىلقى سوڭعى ەكى جىلدا 58 مىڭعا وسكەن. وبلىستا تۇيەمەن اينالىساتىن شارۋاشىلىقتار دا كوبەيە تۇسكەن. 2022 جىلى ايماقتا زەڭگى بابا تۇقىمىنىڭ 32 ت ۇلىگى تىركەلسە, بۇگىندە ولاردىڭ سانى 150-گە جۋىقتاعان.

پاۆلودار وبلىسى