اتىراۋ وبلىستىق مەديتسينالىق جەدەل جاردەم ستانساسى ديرەكتورىنىڭ ورىنباسارى نارگيز ابدراحمانوۆانىڭ مالىمەتىنشە, ديسپەتچەرلەر پۋلتىنە جۇكتى ايەلدەن شاقىرتۋ ءتۇسىپتى. سوعان بايلانىستى №9 بريگادانىڭ فەلدشەرلەرى ەلۆيرا كاريموۆا مەن قانات جەكسەنباەۆ شاقىرتۋ بەرىلگەن مەكەنجايعا جەتكەندە, جۇكتى ايەلدىڭ تولعاعى باستالعان. فەلدشەرلەر جۇكتى انانى ۇيىندە بوساندىرىپ, ەگىزدىڭ كىندىگىن كەستى. سودان سوڭ وبلىستىق پەريناتالدىق ورتالىققا جەتكىزدى.
فەلدشەر ەلۆيرا كاريموۆا جەدەل جاردەم ستانساسىندا 11 جىلدان بەرى جۇمىس ىستەيدى. ال جاس فەلدشەر قانات جەكسەمباەۆتىڭ بۇل سالاداعى جۇمىسىن باستاعانىنا ءبىر جىلدان اسىپتى.
ء«بىز شاقىرتۋمەن ناۋقاستاردىڭ مەكەنجايىنا ءجيى بارامىز. بىرنەشە جۇكتى انانىڭ ۇيىندە بوسانۋىنا كومەك بەردىك. الايدا ەگىزدىڭ ۇيدە ومىرگە كەلۋى العاش رەت تىركەلىپ وتىر. مۇنداي جاعدايدا قوبالجۋ بولادى عوي. دەگەنمەن جۇكتى انانىڭ ەگىز قىزدى امان-ەسەن بوسانۋىنا اتسالىستىق. ءبىرىنشىسىنىڭ كىندىگىن كەسىپ بولعان ساتتە, ەكىنشىسى دە ومىرگە كەلدى. بۇل – 2024 جىلدىڭ ۇمىتىلمايتىن ەرەكشە وقيعاسى», دەيدى ە.كاريموۆا.
وبلىستىق دەنساۋلىق ساقتاۋ باسقارماسى ءباسپاسوز قىزمەتىنىڭ مالىمەتىنە سۇيەنسەك, 42 جاستاعى ايەل ەگىزدى جۇكتىلىكتىڭ 37-اپتاسىندا ومىرگە اكەلگەن. ەگىز قىزدىڭ سالماعى بىردەي ەمەس. ءبىرىنىڭ سالماعى – 2061, ەكىنشىسىنىڭ سالماعى 2272 گرامم. ءبى-راق ەكەۋىنىڭ بويى بىردەي – 47 سم.
«ەگىزدىڭ اناسى بۇعان دەيىن 5 بالانى بوسانعان. ەندى ونىڭ وتباسى تاعى 2 سابيمەن تولىعىپ وتىر. قازىر ەگىز ءسابيدىڭ دە, اناسىنىڭ دا جاعدايى جاقسى, ولاردىڭ ومىرىنە ءتونىپ تۇرعان قاۋىپ جوق. ازىرگە دارىگەرلەردىڭ ءجىتى باقىلاۋىندا بولادى», دەپ مالىمدەدى باسقارمانىڭ ءباسپاسوز قىزمەتىنەن.
اتىراۋ وبلىسى
