فوتو: اشىق دەرەككوز
قوس تاراپ ۆيزاسىز رەجىم ەنگىزۋ تۋرالى كەلىسىمگە 2024 جىلدىڭ قىركۇيەگىندە قول قويعان ەدى. ەندى بۇل قۇجاتتى راسىمدەۋ جۇمىستارىمەن قازاقستاننىڭ سىرتقى ىستەر مينيسترلىگى اينالىسىپ جاتىر.
«قازاقستان رەسپۋبليكاسى سىرتقى ىستەر مينيسترلىگى قازاقستان رەسپۋبليكاسى ۇكىمەتى مەن ماروككو كورولدىگى ۇكىمەتى اراسىنداعى ۇلتتىق/جالپىازاماتتىق پاسپورتتاردىڭ يەلەرىن ۆيزالىق تالاپتاردان بوساتۋ تۋرالى كەلىسىمدى بەكىتۋ جونىندەگى ۇكىمەت قاۋلىسىنىڭ جوباسىن ازىرلەۋ جۇمىستارىن باستادى», دەلىنگەن مينيسترلىك حابارلاماسىندا.
ەكى ەل اراسىندا ۆيزاسىز رەجىم ەنگىزۋ تۋرالى شەشىم دوستىق قارىم-قاتىناستاردى نىعايتۋ ماقساتىندا قابىلدانعان. سونداي-اق بۇل قازاقستان ازاماتتارى مەن ماروككو كورولدىگىنىڭ جارامدى ۇلتتىق جالپىازاماتتىق پاسپورت يەلەرىنىڭ تۋريزم ماقساتىندا ءتيىستى ەلدەرگە كىرۋىن جەڭىلدەتەدى.
