«قۇرمەتتى جول قوزعالىسىنا قاتىسۋشىلار! اۋا رايىنىڭ ناشارلاۋى جاعدايىندا ءار قادامىڭىز ماڭىزدى ءرول اتقارادى. مۇزتايعاق, كۇشتى جەل, بوران نەمەسە تۇمان كۇندەلىكتى ساپارىڭىزدى قاۋىپتى سىناققا اينالدىرۋى مۇمكىن. سوندىقتان الىس جولعا شىقپاۋعا كەڭەس بەرەمىز. كەيدە كۇتكەن دۇرىس, سەبەبى ءوز ءومىرىڭىزدى جانە وزگەلەردىڭ قاۋىپسىزدىگىن قاتەرگە تىگۋگە بولمايدى», – دەدى سۇلتانباەۆ.
ول جولعا شىققان جاعدايدا كەلەسى ەرەجەلەردى قاتاڭ ساقتاۋدى ۇسىندى:
- جىلدامدىقتى ازايتۋ;
- قاۋىپسىز قاشىقتىقتى ساقتاۋ;
- مانەۆرلار مەن باسىپ وزۋلاردان اۋلاق بولۋ;
- العاشقى مۇمكىندىك بولعاندا جاقىن ماڭداعى ەلدى مەكەندە نەمەسە قاۋىپسىز جەردە توقتاۋ.
«جولداردا تاۋلىك بويى پوليتسيا قىزمەتكەرلەرى مەن قۇتقارۋ بولىمشەلەرى كەزەكشىلىك اتقارىپ جاتىر. ولاردىڭ باستى ماقساتى – سىزگە كومەك كورسەتۋ. توتەنشە جاعدايدا بىردەن ءتيىستى ورگاندارعا جۇگىنىڭىز», — دەدى ول.
قايسار سۇلتانباەۆ, سونىمەن قاتار, اۋا رايىنىڭ قولايسىزدىعىنا بايلانىستى شەكتەۋلەر مەن تالاپتاردى بۇزعانداردىڭ زاڭ اياسىندا جاۋاپكەرشىلىككە تارتىلاتىنىن ەسكەرتتى.
