جىلۋ جەلىلەرىن جوندەۋگە قارجى ءبولىندى

قۇجات ۇكىمەت رەزەرۆىنەن ۇلىتاۋ وبلىسىنىڭ بيۋدجەتىنە ماقساتتى ترانسفەرتتەر تۇرىندە اۋدارۋ ءۇشىن 1,5 ملرد تەڭگە كولەمىندە قاراجات ءبولۋدى كوزدەيدى. قارجىلاندىرۋ «جەزقازعان قالاسىنىڭ تم11 جىلۋ جەلىلەرىن رەكونسترۋكتسيالاۋ مەن جاڭعىرتۋ» جوباسىنىڭ 2-ءشى كەزەگىن ىسكە اسىرۋعا باعىتتالادى.

ۇلىتاۋ وبلىسىنداعى جىلۋمەن جابدىقتاۋ جەلىلەرىنىڭ جالپى ۇزىندىعى 639 شاقىرىمدى قۇرايدى. سونىمەن قاتار بۇگىندە توزۋ دەڭگەيى – 58%. جەلىلەردىڭ نەگىزگى بولىگى 1951 جىلدان باستاپ پايدالانۋعا بەرىلدى.

جەزقازعاندا جەلىلەردىڭ توزۋى 60%-عا جۋىقتايدى. 89 مىڭ تۇرعىنى بار قالانى جىلۋمەن جابدىقتاۋدى جەو قامتاماسىز ەتەدى. قالالىق جىلۋ جەلىلەرىنىڭ ۇزىندىعى 398 شاقىرىمدى قۇرايدى.

جەزقازعان قالاسىن جىلۋمەن قامتۋ جاعدايىن جاقسارتۋ ءۇشىن وبلىس اكىمدىگى جىلۋ جەلىلەرىن رەكونسترۋكتسيالاۋ جانە جاڭعىرتۋ جوباسىنا تۇزەتۋلەر ەنگىزدى. ناتيجەسىندە, بۇگىنگى تاڭدا 5 ىسكە قوسۋ كەشەنىنىڭ 5-ءشى كەزەڭىن اياقتاۋ ءۇشىن 1,5 ملرد تەڭگە قاجەت.

ۇكىمەت رەزەرۆىنەن بولىنگەن بۇل قاراجات 2024–2025 جىلدارداعى جىلىتۋ ماۋسىمىنىڭ ىركىلىسسىز ءوتۋىن قامتاماسىز ەتۋگە باعىتتالعان.