فوتو: قازاقستاننىڭ ۇلتتىق دەرەكتەر ورتالىعى
جەر سىلكىنىسى استانا ۋاقىتىمەن تۇنگى ساعات 01:14 شاماسىندا كاسپي تەڭىزىندە بولعان.
«قر ۇياو گزي دەرەكتەر ورتالىعىنىڭ جەدەل مالىمەتىنە سايكەس, 2024 جىلى 30 جەلتوقسان كۇنى استانا ۋاقىتى بويىنشا 01 ساعات 14 مين (گرينۆيچ بويىنشا 29 جەلتوقساندا 20 ساعات 14 مين.) كاسپي تەڭىزىندە جەر سىلكىنىسى بولدى. ەپيتسەنتردىڭ كوورديناتتارى: 41.54 گرادۋس سولتۇستىك ەندىك, 49.98 گرادۋس شىعىس بويلىق. ماگنيتۋداسى - mb=4. ەنەرگەتيكالىق كلاسس - ك=10.9. تەرەڭدىگى - h=11 شاقىرىم», دەلىنگەن حابارلامادا.
سونداي-اق بۇگىن, 30 جەلتوقساندا الماتىدان 336 شاقىرىم جەردە دە جەر سىلكىنىسى بولعان. جەر سىلكىنىسىنىڭ وشاعى قىتايدا ورنالاسقان.
