فوتو: ۆيدەودان الىنعان كادر
كۇدىكتى 2021 جىلدىڭ ناۋرىز ايىندا جەكە تۇلعاعا قارسى اۋىر قىلمىس جاساعان.
«كۇدىكتى قوستاناي قالاسىنداعى جابىرلەنۋشىنىڭ پاتەرىندە الكوگول ءىشىپ, ارادا جانجال تۋىنداعان. ەر ادام جابىرلەنۋشىنىڭ باسى مەن دەنەسىنە كوپتەگەن سوققى جاساعان. سالدارىنان جابىرلەنۋشى كوز جۇمعان. جاۋاپتىلىقتان قۇتىلعىسى كەلگەن كۇدىكتى قاشىپ ۇلگەرگەن, سول سەبەپتى ول حالىقارالىق ىزدەۋگە جاريالانعان», دەلىنگەن حابارلامادا.
كۇدىكتى ىزدەۋدە جۇرگەندە رەسەي اۋماعىندا قاراقشىلىق شابۋىل جاساپ, رەسەي سوتىمەن سوتتالعان.
كورشى مەملەكەتتە جازاسىن وتەگەننەن كەيىن قازاقستان رەسپۋبليكاسى باس پروكۋراتۋراسىنىڭ سۇراۋى بويىنشا وتانىنا ەكستراديتسيالانىپ, قازىرگى ۋاقىتتا تەرگەۋ يزولياتورىنا قامالدى.
جابىرلەنۋشىنىڭ ولىمىنە سەبەپ بولعان اۋىر دەنە جاراقاتىن كەلتىرگەنى ءۇشىن وعان 8 جىلدان 12 جىلعا دەيىن باس بوستاندىعىنان ايىرۋ جازاسى قاراستىرىلعان.
