ەلوردادا حالىقارالىق ىزدەۋدە جۇرگەن رەسەي فەدەراتسياسىنىڭ ازاماتى قولعا ءتۇستى. 35 جاستاعى ايەل ادام رەسەيدە پوليتسيا قىزمەتكەرىنە قارسىلىق كورسەتىپ, كەيىن ەلدەن قاشىپ كەتكەن.
وسى وقيعاعا بايلانىستى قاراشا ايىندا وعان حالىقارالىق ىزدەۋ جاريالانعان. كۇدىكتى قازاقستانعا جۇمىس ىزدەپ كەلگەن. پوليتسەيلەر ونى تۇرعىن ۇيلەردى تەكسەرۋ كەزىندە انىقتاپ, ۇستادى.
قازىرگى ۋاقىتتا كۇدىكتى ۋاقىتشا ۇستاۋ يزولياتورىنا قامالدى. ول ەكستراديتسيالاۋ تۋرالى شەشىم شىققانعا دەيىن سول جەردە بولادى. جاقىن كۇندەرى ايەل رەسەي فەدەراتسياسىنىڭ قىلمىستىق ىزدەۋ ورگاندارىنا تاپسىرىلادى.
بۇل وقيعا قازاقستان پوليتسەيلەرىنىڭ قىراعىلىعى مەن كاسىبيلىگىن تاعى ءبىر رەت دالەلدەدى.
