فوتو: Polisia.kz
ۇستالعان ازاماتقا ۇيالى بايلانىس ابونەنتتىك قۇرىلعىلارىنىڭ يدەنتيفيكاتسيالىق كودتارىن زاڭسىز وزگەرتىپ, ازاماتتاردى الداۋ ماقساتىندا پايدالانعان دەگەن ايىپ تاعىلعان.
ء«تىنتۋ بارىسىندا دىبىس كۇشەيتكىش رەتىندە جاسىرىلعان ارنايى قۇرال-جابدىق تاركىلەندى. بۇل قۇرال قازاقستان رەسپۋبليكاسى ازاماتتارىنا بانكتەر مەن قۇقىق قورعاۋ ورگاندارىنىڭ قىزمەتكەرلەرى اتىنان قوڭىراۋ شالىپ, الداۋ جانە الاياقتىق ارەكەتتەر جاساۋ ءۇشىن پايدالانىلعان», دەلىنگەن حابارلامادا.
سونىمەن قاتار كۇدىكتىنىڭ جالدامالى پاتەرىنەن 2100-دەن استام sim-كارتا, ەكى نوۋتبۋك, ەكى ءموبيلدى تەلەفون, پلانشەت تابىلعان. تاركىلەنگەن قۇرال-جابدىققا قاتىستى 48 ابونەنتتىك نومىردەن ازاماتتارعا قوڭىراۋلار جاسالعانى انىقتالعان.
قازىرگى تاڭدا كۇدىكتىنىڭ باسقا الاياقتىق ەپيزودتارعا قاتىسى بار-جوعى تەكسەرىلىپ جاتقاندىعى حابارلاندى. اتالعان فاكت بويىنشا قىلمىستىق ءىس قوزعالعان. كۇدىكتى پروكۋراتۋرانىڭ كەلىسىمىمەن قاماۋعا الىنعان.
