فوتو: istockphoto.com
ورتالىق ۇەۇ, قوعام بەلسەندىلەرى مەن جۇمىسشى ماماندىقتار جىلىن لايىقتى وتكىزۋگە نەمقۇرايلى قارامايتىن ازاماتتار ءۇشىن ورتاق الاڭعا اينالماق. قور بۇل ءۇشىن adalenbek.kz ارنايى سايتىن جاسايدى. سايتتا ەلدەگى ەڭبەك ادامدارىن قولداۋعا ارنالعان قوعامدىق ءىس-شارالاردىڭ ينتەراكتيۆتى كارتاسى جاساقتالادى. قور وسى رەتتە, اقپاراتتى ءبىر رەسۋرستا جيناۋ ءۇشىن ۇكىمەتتىك ەمەس ۇيىمداردى ءوز باستامالارى تۋرالى اقپارات بولىسۋگە شاقىرادى. بۇل كەز كەلگەن قازاقستاندىق ءۇشىن ىڭعايلى بولماق, ياعني ءبىر سايتقا كىرىپ, وتەتىن ءىس-شارالار تۋرالى اقپارات الىپ, قاتىسۋعا مۇمكىندىك بەرەدى.
سونداي اق, «ادىلدىك جانە وركەندەۋ» قورى جۇمىسشى ماماندىقتار جىلى اياسىندا بىرقاتار ءتول باستامانى جۇزەگە اسىرادى.
سولاردىڭ ءبىرى, «ەڭبەك داڭقى» ونلاين-كىتابى.
«بۇل ادال ەڭبەكپەن وتباسىن اسىراپ, ەل ەكونوميكاسىن ەسەلەۋگە ۇلەس قوسىپ جۇرگەن جاقىندارىمىزدىڭ ەسىمى جازىلاتىن ەستەلىك كىتابىنا اينالادى. «ەڭبەك داڭقى» ونلاين-كىتابىنا كەز كەلگەن قازاقستاندىق لايىقتى دەگەن جاندى قوسا الادى. بۇل كىتاپ تا adalenbek.kz ارنايى پورتالىنا جۇكتەلەدى», دەپ حابارلادى قوردىڭ ءباسپاسوز قىزمەتى.
سونداي اق, قور جۋرناليستەر مەن بلوگەرلەر اراسىندا «ەڭبەك ادامى تۋرالى ەڭ ۇزدىك ماتەريالعا» بايقاۋ جاريالايدى. كونكۋرسقا جۋرناليستەر مەن كەمىندە 3 مىڭ جازىلۋشىسى بار بلوگەرلەر قاتىسا الادى. جۇمىستار ءتۇرلى جانردا, بىرنەشە نوميناتسيا بويىنشا قابىلدانادى. كەلىپ تۇسكەن جۇمىستاردى قۇرامىندا بەدەلدى مەديا ماماندار مەن قور وكىلدەرى كىرەتىن قازىلار القاسى باعالايدى. العاشقى جەڭىمپازدار جۋرناليستەر كۇنىنە وراي ماراپاتتالادى. ال, 2025 جىلدىڭ سوڭىندا جالپى قورىتىندىسى شىعارىلادى.
«بۇل باستامالاردىڭ ىشىندە ەرەكشە ورىن الاتىنى – «ەڭبەك داڭقى» كىتابى جوباسى. بارلىق قازاقستاندىقتى ءوز جاقىندارىنىڭ ەڭبەك جولى تۋرالى ەستەلىكتەرىن بولىسۋگە شاقىرامىز. جۇمىسشى ماماندىقتار جىلى - بۇل ەڭبەكپەن كەلگەن ناننىڭ ءتاتتى بولاتىنىنا, قوعامنىڭ دامۋى ءۇشىن ادال ەڭبەكتىڭ ماڭىزدىلىعىنا ەرەكشە ەكپىن تۇسىرەتىن ۋاقىت. بۇل باستامالاردى بۇكىل قوعام بولىپ قولداپ, جۇزەگە اسىرۋعا بەلسەندى قاتىسسا دەيمىز. ءبىزدىڭ ماقساتىمىز - ۇەۇ, بەلسەندىلەر مەن بارلىق مۇددەلى ازاماتتاردىڭ كۇش-جىگەرىن بىرىكتىرۋ, ەڭبەك ادامىنىڭ بەدەلىن نىعايتۋ جانە الەۋمەتتىك ادىلدىك قۇندىلىقتارىن ىلگەرىلەتۋ. ەلىمىزدە جۇمىسشى ماماندىقتار جىلىن وتكىزۋدى قوعامدىق قولداۋ ورتالىعى كۇشىمىز بەن ءۇنىمىزدى بىرىكتىرەتىن پلاتفورماعا اينالادى دەپ سەنەمىز. ءبىز بىرىگە وتىرىپ, ەڭبەك ادامىنىڭ ەلدىڭ بولاشاعى مەن وركەندەۋىنىڭ قۋاتتى نەگىزى بولاتىنىن كورسەتەمىز!», دەدى قور ديرەكتورى دانا رىسمۇحامەدوۆا ءباسپاسوز ءماسليحاتىندا.
ايتا كەتەيىك, «ادىلدىك جانە وركەندەۋ» قوعامدىق قورى – جاڭا ۇلگىدەگى ۇكىمەتتىك ەمەس ۇيىم. قور بەلسەندى ازاماتتىق ۇستانىمى بار, ادىلەتتى قازاقستان قۇرۋعا ۇلەس قوسقىسى كەلەتىن قازاقستاندىقتاردى بىرىكتىرەدى. 20 وڭىردە وكىلدىگى مەن 8000 استام جاقتاسى بار. قور ءوز جۇمىسىندا قوعامدىق باقىلاۋ مەن الەۋمەتتىك مونيتورينگكە ەرەكشە باسىمدىق بەرەدى.
