فوتو: كوللاج: Ulysmedia
«ستيپەنديا يەگەرلەرىنىڭ 136-سى – ماگيستراتۋرا, 8-ءى دوكتورانتۋرادا وقيدى. سونداي-اق 127 ازامات الەمنىڭ ەڭ ۇزدىك ۋنيۆەرسيتەتتەرى مەن ورتالىقتارىندا تاعىلىمدامادان وتەدى. كوميسسيا مۇشەلەرى باسىمدىق بەرىلىپ وتىرعان ماماندىقتارعا ەرەكشە نازار اۋداردى. ياعني ستيپەنديا يەگەرلەرىنىڭ 65 پايىزى – جاراتىلىستانۋ-تەحنيكالىق, ال 35 پايىزى الەۋمەتتىك-گۋمانيتارلىق باعىتتار بويىنشا ءبىلىمىن جەتىلدىرەدى», دەلىنگەن حابارلامادا.
سونىمەن قاتار 170 ازامات شەتەلدىڭ جەتەكشى عىلىمي-زەرتتەۋ ورتالىقتارىندا عىلىمي تاعىلىمدامادان وتۋگە ستيپەنديا العان.
ەرلان قارين بيىل وتكەن جىلعا قاراعاندا تاعىلىمدامادان وتۋگە ەكى ەسە, ينجەنەرلىك-تەحنيكالىق ماماندىقتار باعىتىنا التى ەسە كوپ ءوتىنىش تۇسكەنىن اتاپ ءوتتى. بۇل مەملەكەت باسشىسىنىڭ ينجەنەرلىك-تەحنيكالىق ءبىلىم بەرۋدى دامىتۋعا جانە قولداۋعا باعىتتالعان باستاماسىنىڭ وزەكتى ءارى زامان تالابىنا ساي ەكەنىن كورسەتەدى.
