«الەۋمەتتىك-ەكونوميكالىق كورسەتكىشتەر بويىنشا وڭ ديناميكا بايقالادى. قالا ەكونوميكاسى ءوسىپ كەلەدى. جالپى وڭىرلىك ءونىم ءبىرىنشى جارتىجىلدىقتىڭ قورىتىندىسى بويىنشا 7% بولدى, بۇل – 5,4 ترلن تەڭگە. بيىل جالپى وڭىرلىك ءونىم قۇرىلىمىندا ءوندىرىس سەكتورىنىڭ ۇلەسى 13,9%-دان 15,7%-عا دەيىن ءوسۋى بايقالادى. بۇل ونەركاسىپ جانە قۇرىلىس سالالارىنىڭ بەلسەندى دامۋىنىڭ ارقاسىندا بولىپ وتىر. نەگىزگى درايۆەر – شاعىن جانە ورتا بيزنەس, ول ەلوردا ەكونوميكاسىنىڭ 72,1%-ىن قۇرايدى. بۇل رەسپۋبليكا بويىنشا ەڭ جوعارى كورسەتكىش», دەدى قالا اكىمى ورتالىق كوممۋنيكاتسيالار قىزمەتىندە وتكەن بريفينگتە.
ونىڭ ايتۋىنشا, ەلوردادا جۇمىس ىستەپ تۇرعان شاعىن جانە ورتا بيزنەس سۋبەكتىلەرىنىڭ سانى 7,3%-عا ءوسىپ, 247 مىڭنان استى.
«ەلوردانىڭ جەكە تابىسى العاش رەت 1 ترلن تەڭگەدەن استى. بۇل بارلىق نەگىزگى ساناتتار بويىنشا سالىق تۇسىمدەرىنىڭ وسۋىنە بايلانىستى مۇمكىن بولدى. ينۆەستيتسيا كولەمى 1,6 ترلن تەڭگەدەن اسىپ, 20,4%-عا ۇلعايدى. بۇل سومانىڭ 70%-دان استامى – جەكە ينۆەستيتسيالار. ەلوردانىڭ قۇرىلىس سەكتورىنىڭ قارقىنى 870 ملرد تەڭگەدەن استى», دەدى جەڭىس قاسىمبەك.
11 ايدىڭ ىشىندە استانادا 3,6 ملن شارشى مەتر تۇرعىن ءۇي پايدالانۋعا بەرىلدى, بۇل وتكەن جىلمەن سالىستىرعاندا 6,4%-عا كوپ.
