كەزدەسۋ بارىسىندا قازاقستاندىق ونىمدەرگە ءباا نارىعىندا سۇرانىس ارتىپ كەلە جاتقانى ايتىلدى. ارمان شاققاليەۆ ەلىمىزدىڭ ورگانيكالىق اۋىل شارۋاشىلىعى ونىمدەرىن, سونىڭ ىشىندە ءباا-دە تانىمال سالقىنداتىلعان قوي ەتىن, سونىمەن قاتار, جوعارى ساپالى ۇن, كۇنباعىس مايى, كونديتەرلىك ونىمدەر جانە ءسۇت ونىمدەرىن ەكسپورتتاۋعا دايىن ەكەنىن ايتتى.
«2024 جىلدىڭ 10 ايىندا قوي ەتىنىڭ ەكسپورتى 13,3 مىڭ توننا بولىپ, جالپى قۇنى 45,3 ملن دوللاردى قۇرادى. وتكەن جىلدىڭ سايكەس كەزەڭىمەن سالىستىرعاندا كولەم ەكى ەسە, ەكسپورتتىق ءتۇسىم 64%-عا ارتتى. ءبىز حالال ستاندارتتار اياسىندا ونىمدەرگە سەرتيفيكات بەرۋ بويىنشا جۇمىستاردى بەلسەندى اتقارۋدامىز. 2014 جىلدان بەرى 1800-دەن استام قازاقستاندىق جانە شەتەلدىك كومپانيا سەرتيفيكاتتاۋدان ءوتتى, بۇل قازاقستان ونىمدەرىنىڭ جوعارى ساپاسى مەن حالىقارالىق ستاندارتتارعا سايكەستىگىن دالەلدەيدى», دەپ اتاپ ءوتتى مينيستر.
كەزدەسۋ بارىسىندا «QazTrade» اق باس ديرەكتورى جەنيس وسەرباي قازاقستاننىڭ ەكسپورتتىق الەۋەتىن تانىستىرىپ, ءباا نارىعىنا شىعۋدىڭ نەگىزگى باعىتتارىن اتادى. ول وتاندىق ەكسپورتتاۋشىلاردى اككرەديتاتسيالاۋ, سەرتيفيكاتتاۋ جانە ونىمدەردى تاڭبالاۋ ماسەلەلەرىندە قولداۋ كورسەتۋدىڭ ماڭىزدىلىعىن, سونداي-اق قازاقستاندىق وندىرۋشىلەردىڭ Gulfood جانە ADIPEC سياقتى ءىرى حالىقارالىق كورمەلەرگە قاتىسۋىن ۇيىمداستىرۋ تۋرالى ايتتى. سونىمەن قاتار, قازاقستان تاۋارلارىن ءباا-ءدىڭ LuLu جانە Grandiose سياقتى ساۋدا جەلىلەرىنە شىعارۋ ماسەلەلەرى دە تالقىلاندى.
ءباا مەملەكەتتىك سىرتقى ساۋدا ءمينيسترى ساۋدا ۇيلەرىن تۇراقتى وكىلدىكتەر رەتىندە قۇرۋدىڭ ماڭىزدىلىعىن, بۇل ءادىس ونىمدەردى ءتيىمدى جىلجىتۋعا جانە جەرگىلىكتى تۇتىنۋشىلاردىڭ قاجەتتىلىكتەرىن ەسكەرۋگە مۇمكىندىك بەرەتىنىن ايتتى.
كەزدەسۋ بارىسىندا قازاقستاندىق ونىمدەردىڭ دەگۋستاتسياسى ءوتتى. قاتىسۋشىلار ۇسىنىلعان قوي ەتى, كونديتەرلىك ونىمدەر جانە المالاردىڭ ساپاسى مەن دامىنە جوعارى باعا بەردى.
