فوتو: pixabay.com
ونىڭ ايتۋىنشا, پوليگونداردىڭ كوپشىلىگىندە قالدىقتاردى بولەك جيناۋ, وڭدەۋ جانە ساقتاۋ ءۇشىن قاجەتتى ينفراقۇرىلىم جوق, بۇل ەكولوگيالىق ماسەلەلەردى قيىنداتادى.
«استاناداعى جالعىز پوليگون قازىردىڭ وزىندە 95 پايىزعا تولى, ال جاڭا پوليگوننىڭ قۇرىلىسى كەلەسى جىلى باستالادى. بۇل جاعداي كوپتەگەن وبلىس ورتالىقتارىندا, مىسالى, سەمەي, ورال, باسقا دا پوليگونداردا قالىپتاسىپ وتىر. مەن بارلىق وڭىرلەردە پوليگوندارداعى سانيتارلىق جاعدايدى جاقسارتۋ بويىنشا ناقتى شارالار مەن ولاردى ىسكە اسىرۋ مەرزىمدەرى كورسەتىلگەن قالالىق قالدىقتاردى باسقارۋدىڭ ارنايى باعدارلامالارىن ازىرلەۋدى جانە بەكىتۋدى ۇسىنامىن», دەدى ول.
تۇرعانوۆ سونداي-اق اكىمدىكتەرگە قاۋىپتى مەديتسينالىق جانە سىناپ قالدىقتارىن ورنالاستىرۋعا ليتسەنزياسى بار مامانداندىرىلعان كاسىپورىنداردىڭ ەكولوگيالىق, سانيتارلىق تالاپتاردى جانە ۇلتتىق ستاندارتتاردى ساقتاۋىن قاداعالاۋ, سونداي-اق وزدىگىنەن پوليگونداردىڭ پايدا بولۋىنا جول بەرمەۋ بويىنشا ناقتى قۇزىرەت بەرۋدى سۇرادى.
«قوقىس پوليگوندارىنىڭ كوپشىلىگىنىڭ جاعدايى سانيتارلىق تالاپتارعا ساي ەمەس. بۇگىنگى تاڭدا قازاقستاننىڭ جاسىل ەكونوميكاعا كوشۋ تۇجىرىمداماسىنا سايكەس 3 مىڭنان استام پوليگوننىڭ 20 پايىزى عانا ەكولوگيالىق تالاپتارعا ساي كەلەدى», دەدى ول.
ونىڭ ايتۋىنشا, دەنساۋلىق ساقتاۋ مينيسترلىگى جاعدايدى تۇزەتۋ ءۇشىن قاجەتتى شارالار قابىلداماي وتىر.
ول وسى جىلدىڭ ناۋرىز ايىندا ۇكىمەت ءىرى قالالاردا 37 جاڭا جانە جۇمىس ىستەپ تۇرعان 8 پوليگوندى جاڭعىرتۋ جوسپارىن جاريالاعانىن ەسكە سالدى. سونىمەن قاتار قالدىقتاردى باسقارۋ سالاسىنداعى جوبالاردى جەڭىلدىكپەن قارجىلاندىرۋ تەتىگى بەكىتىلدى.
«ارينە, بۇل جوسپارلاردى جۇزەگە اسىرۋ جاعدايدى جاقسارتۋى كەرەك, بىراق جاعدايى جىل سايىن ناشارلاپ بارا جاتقان پوليگوندارعا قاتىستى ناقتى شەشىم جوق», دەپ ەسەپتەيدى ول.
ماجىلىسمەننىڭ ايتۋىنشا, قالدىقتاردى سۇرىپتاۋ ماسەلەسى دە وتكىر تۇر. سوڭعى ۋاقىتتا ءتۇرلى قالدىق تۇرلەرىنە ارنالعان جاڭا كونتەينەرلەر پايدا بولدى. بىراق تۇرعىندارمەن ءتۇسىندىرۋ جۇمىستارى, ىنتالاندىرۋ شارالارى جۇرگىزىلمەي جاتىر.
