فوتو: qadam.asia
زاڭ جوبالارىن پرەزيدەنت تاپسىرماسىن ورىنداۋ ماقساتىندا ۇلتتىق ەكونوميكا مينيسترلىگى ازىرلەگەن.
جوبادا تۇركىستاندى قازاقستاننىڭ رۋحاني-مادەني, تاريحي جانە تۋريستىك ورتالىعى رەتىندە قالىپتاستىرۋ, دامىتۋ جانە ونىڭ جۇمىس ىستەۋى ءۇشىن قۇقىقتىق جاعداي جاساۋ كوزدەلگەن. تاريحي-مادەني مۇرانى قورعاۋ جانە رۋحاني نىسانداردىڭ قاسيەتتىلىگىن ساقتاۋ دا باستى ماقسات بولىپ وتىر.
نەگىزگى زاڭ جوباسى اياسىندا قالا اۋماعىنداعى تاريحي-مادەني ەسكەرتكىشتەر ولاردىڭ قۇقىقتىق مارتەبەسى, قورعاۋ رەجيمى, پايدالانۋ ءتارتىبى جانە باسقا دا اسپەكتىلەرىن انىقتايتىن ساناتتارعا بولىنەدى.
سونىمەن قاتار قوجا احمەت ياساۋي كەسەنەسىنىڭ بىرەگەيلىگىن ساقتاۋ جانە اينالاسىنداعى قۇرىلىسقا بوگدە ەلەمەنتتەردىڭ ەنۋىنە جول بەرمەۋ ماقساتىمەن شەكتەۋلەر ەنگىزىلەدى.
اتاپ ايتقاندا, كەسەنەنىڭ قورعاۋ ايماعىنىڭ شەكاراسىنان 100 مەتر قاشىقتىقتا بيىكتىگى جەتى مەتردەن اساتىن, سونداي-اق تاريحي ەسكەرتكىشتەرمەن اۋقىمى, ءتۇسى جانە قۇرىلىس ماتەريالدارى بويىنشا ۇيلەسپەيتىن نىسانداردىڭ قۇرىلىسىنا تىيىم سالىنادى.
